މާލެ އަތޮޅުން ފެށިގެން ގދ. އަތޮޅާ ހަމައަށް ހުދު ސަމާލު ނެރެފިއެވެ. މި ސަރަހައްދަށް ހުދުސަމާލު ނެރުނީ ބޯކޮށް ވާރޭވެހުމާއެކު ގުގުރާނޭ ކަމަށް ލަފާ ކުރެވޭތީ ކަމަށް މެޓު އޮފީހުން ވަނީ ބުނެފައެވެ. މީގެ އިތުރުން ވިލާގަނޑުގައި ގަޑިއަކު 35 މޭލަށް ވައިގަދަވާނޭ ކަމަށް މެޓުން ވަނީ ލަފާކޮށްފައެވެ.
މި ސަމާލު ދެމިއޮންނާނީ މިއަދު މެންދުރުފަހު 1:15 އިން ހަވީރު 6:00 އަށެވެ. މި ދުވަސްވަރަކީ މުޅި ރާއްޖެއަށް ވިއްސާރަކުރަމުންދާ ދުވަސްވަރެކެވެ. އެހެންކަމުން ކަނޑުދަތުރުފަތުރު ކުރާއިރު މޫސުމަށް ސަމާލުވުމަށް ކަމާބެހޭ ފަރާތްތަކުން ގެންދަނީ އިލްތިމާސް ކުރަމުންނެވެ.
