ށ. އަތޮޅު ފުނަދޫގައި ހުންނަ ޕެޓްރޯލް ޝެޑުގައި އަލިފާން ރޯވެއްޖެއެވެ. ފުލުހުން ވިދާޅުވީ މިކަމާ ގުޅިގެން ފުލުހުން ހަރަކާތްތެރިވަމުން ގެންދާ ކަމަށެވެ.
އެމްއެންޑީއެފުން ވިދާޅުވީ ކުޅުދުއްފުށީ ފަޔަރސްޓޭޝަންގެ ޓީމެއް އެރަށަށް ދަތުރު ކުރަމުންދާ ކަމަށެވެ. މިހާރު އަލިފާން ނިއްވުމުގައި ފުނަދޫ އެއަރޕޯޓުގެ ފަޔަރފައިޓަރުން ގެންދަނީ ހަރަކާތްތެރިވަމުން ކަމަށް ވެސް އެމްއެންޑީއެފުން ވިދާޅުވިއެވެ.
މިހާދިސާގައި އެއްވެސް މީހަކަށް އަނިޔާވި ކަމެއް އަދި އެނގިފައެއް ނުވެއެވެ. މިތަނުގައި ރޯވިއަލިފާން ފުޅާވެ ޖެހިގެންހުރި ދެ ގުދަނެއްގައި ވަނީ ރޯވެފައެވެ.
