ޗައިނާއިން މިސައިލް ފޮނުވާލުމުން ޓައިވާން ތައްޔާރީ ހާލަތަށް

ޗައިނާގެ އެތައް ޕްރޮވިންސަކުން އެއްފަހަރާ އެތައް މިސައިލެއް ފޮނުވާލުމާ ގުޅިގެން ޓައިވާން ސިފައިން ތައްޔާރީ ޙާލަތަށް ގެނެސްފިއެވެ. ޓައިވާނުން ބުނެފައި ވަނީ، އިނާ މޮންގޯލިއާއާއި ގާންސޫއާއި ޝެންހާއީ އަދި ޝިންޖިއާން އިން އެއްފަހަރާ މިސައިލްތަކެއް ލޯންޗު ކޮށްފައިވާކަން ފާހަގަ ކުރެވޭ ކަމަށެވެ. ޗައިނާގެ ޤައުމީ ދުވަހުގެ މުނާސަބާގައި ރައީސް ޝީ ވަނީ ޓައިވާންގެ ބާޣީންނަށް އިންޒާރު ދެއްވާފައެވެ. ޗައިނާއިން ދެކެނީ ޓައިވާނަކީ ބާޣީ ސަރަހައްދެއް ކަމަށެވެ. އަދި ގަދަ ބާރުން ބޭނުންޖެހިއްޖެ ހިނދެއްގައި ޗައިނާއާ އިއްތިޙާދު ކޮށްލުމަކީ ޗައިނާއަށް ކުރެވިދާނެ ކަމެއް ކަމަށް ޗައިނާއިން ބުނެއެވެ.