ހޮޓެލް އޭޝިއާ އެގްޒިބިޝަން ކުރިއަށްދާ ތިން ދުވަހު އެސްޓީއޯ ސްޓޯލުން ކޮފީސްޓޭޓްގެ ވަކި ބުއިންތަކެއް ހިލޭ ލިބޭނޭ ކަމަށް އެކުންފުނީން ބުނެފިއެވެ.
އެކުންފުނީގެ ސްޓޯލް މިފަހަރު ޚާއްސަކޮށްފައިވަނީ އެސްޓީއޯގެ ޖެނެރަލް ޓްރޭޑިންގ، އެސްޓީއޯ ޕީޕަލްސް ޗޮއިސް އަދި އެސްޓީއޯ އެނާރޖީ އަށް ކަމަށް އެކުންފުނީން ބުނެފައިވެއެވެ. އެސްޓީއޯގެ ސްޓޯލްގައި ޕީޕަލްސް ޗޮއިސް އެސްޓީއޯ ސުޕާމާކެޓްއިން ލިބޭ ބައެއް ޕްރޮޑަކްޓްތައް ބޭނުންކޮށްގެން ތައްޔާރުކުރެވޭ ލުއި ކާނާ ވަގުތުން ތައްޔާރުކުރާ ސްޓޭޝަނެއް ވެސް ގާއިމްކޮށްފައިވެއެވެ.
މީގެ އިތުރުން އެސްޓީއޯގެ ސްޓޯލްގައި އަސާސީ ކާބޯތަކެތީގެ ގޮތުގައި ލިސްޓްކުރެވިފައިވާ ބާވަތްތަކާއި އިލެކްޓްރޯނިކްސް ބައެއް ސާމާނުތައް ވަނީ ބަހައްޓައިފައެވެ. އަދި ބައެއް ޕްރޮޑަކްޓްތަކާބެހޭ މައުލޫމާތު ސްޓޯލުން ފޯރުކޮށްދޭނެއެވެ.
މީގެ އިތުރުން އެންމެބޮޑަށް ފާހަގަކޮށްފައިވަނީ އާ ބްރޭންޑެއް މިއަދު ތައާރަފްކުރާނެއެވެ. އަދި މި ޕްރޮޑަކްޓް ބޭނުން ކޮށްގެން ތައްޔާރުކުރާ އައިސްކްރީމްއާއި ފޮނިކާތަކެތި ރަހަ ބެލުމުގެ ފުރުސަތުވެސް އެސްޓީއޯ ސްޓޯލްއިން ލިބިގެންދާނެއެވެ. އެސްޓީއޯ އެނާޖީގެ ފަރާތުން މިއަހަރު ރިޒޯޓު ކަސްޓަމަރުންނަށް ހާއްސަކޮށް، ތެޔޮ އުފުލައިދިނުމުގައި އެކުންފުނީން ފޯރުކޮށްދޭ ހިދުމަތްތަކުގެ މައުލޫމާތުދީ، މި މާކެޓުގައި ކަސްޓަމަރުންގެ ޑިމާންޑުތައް ހުރިނެތްގޮތްބަލާނޭ ކަމަށް ވެސް އެކުންފުނީން ވަނީ ބުނެފައެވެ.
މީގެ އިތުރުން އެސްޓީއޯ ސްޓޯލަށް ޒިޔާރަތް ކުރައްވާ ފަރާތްތަކަށް ހާއްސަކޮށްގެން ޕޮރޮމޯޝަނަލް ހަރަކާތްތަކުގެ ގޮތުގައި "ރެޖިސްޓަރ އެންޑް ވިން" ގެ ނަމުގައި ހަރަކާތެއް ކުރިއަށްދާނެއެވެ. މި ހަރަކާތް ކުރިއަށްދާނީ އެސްޓީއޯ ސްޓޯލްގައި ރަޖިސްޓްރީކުރައްވާ ފަރާތްތަކުގައި މެދުގައެވެ. ކޮންމެ ދުވަހަކުވެސް މި ފަރާތްތަކުގެ ތެރެއިން ނަސީބުވެރި އެއްފަރާތް ގުރުއަތުން ހޮވާ އިނާމުދޭނެއެވެ. އަދި ފޮލޯއެންޑް ވިން ހަރަކާތުގައި އެސްޓީއޯ ޕީޕަލްސް ޗޮއިސް ޕޭޖް ފޮލޯކުރައްވައިގެން ނަސީބުވެރި ފަރާތަކަށް ޑިޝްވޮޝަރ އެއްލިބުމުގެ ފުރުސަތު ފަހިވެގެންދާނޭ ކަމަށް ވެސް ބުނެފައިވެއެވެ.
ހޮޓެލް އޭޝިއާ 2026 ކުރިއަށް ދާނީ ސެޕްޓެމްބަރު 28 އިން ފެށިގެން މިމަހުގެ 30 އަށް ހުޅުމާލޭ ސިންތެޓިކް ޓްރެކްގައެވެ.
