އެމްޑީޕީގެ ފަސް ވަނަ ކޮންގްރެސް ފެށުމަށް މާލޭ ސިޓީ ހޯލުގައި ރޭ ބޭއްވެވި ޖަލްސާގައި ވާހަކަފު ދައްކަވަމުން ރައީސް ނަޝީދު ވިދާޅުވީ މިކަންކަން ބަދަލުކޮށް އިސްލާހު ކުރާނީ އެމްޑީޕީން ކަމަށެވެ. ރައްޔިތުންނަށް ލާބަޔާއި މަންފާ ލިބޭފަދަ ޤާނޫނުއަސާސީއެއް ދެންވެސް ރައްޔިތުންނަށް ފޯރުކޮށްދެއްވާނީ ވެސް އެމްޑީޕީގެ މަސައްކަތުން ކަމަށް އެމަނިކުފާނު ވިދާޅުވިއެވެ.
ރާއްޖޭގައި މިހާރުއޮތީ އެއްވެސް މިސްރާބެއްނެތް ސަރުކާރެއް ކަމަށާއި، އޭގެ ސަބަބުން ބޭރު ދުނިޔޭގައި ރާއްޖޭގެ އިތުބާރު ގެއްލިފައިވާ ކަމަށް ވިދާޅުވިއެވެ. މި ސަބަބުތަކަށްޓަކައި މިސަރުކާރު ކޮންމެހެން ބަދަލު ކުރަން މަޖޫބޫރު ކަމަށް ވިދާޅުވިއެވެ. އެކަންވެސް ކުރާނީ އެމްޑީޕީން ކަމަށް ރައީސް ނަޝީދު ވިދާޅުވިއެވެ. މިސަރުކާރުން ކުރާހާ ވެސް ކަމަކީ ރައްޔިތުންނަށް އޮޅުވާލުމާއި ދޮގާއި މަކަރު ހެންދުން ކަމަށް ރައީސް ނަޝީދު ވިދާޅުވިއެވެ. މިހުރިހާ ކަމެއް އެމްޑީޕީން ބަދަލު ކުރާނޭ ކަމަށް އެމަނިކުފާނު ވިދާޅުވިއެވެ.
