މިއީ ސައުދީގެ މަދަދާއެކު ހަރަކާތްތެރިވާ ފައުޖެއް ކަމަށް ޔަމަނު ސިފައިންގެ ތަރުޖަމާނު ބްރިގޭޑިއާ ޖެނެރަލް ޔަހުޔާ ސާރީ އާދީއްތަ ދުވަހު ވިދާޅުވިއެވެ.
އޭނާ ވިދާޅުވީ މިފައުޖުގެ ގިނަމީހުން ޔަމަނުގެ ހަމަލާގައި މަރުވެފައި ކަމަށެވެ. ބައެއް މީހުން ވަނީ ޒަޚަމްވެފައި ކަމަށްވެސް ވިދާޅުވިއެވެ. މީގެ އިތުރުން އެމީހުން ގެންގުޅުނު ހަތިޔާރުތައް ހަލާކުކޮށްލާފައިވާ ކަމަށް ވެސް ވިދާޅުވިއެވެ.
އަލްމަސީރާ ޓީވީ މެދުވެރިކޮށް ނެރުއްވި ބަޔާނެއްގައި ބްރިގޭޑިއާ ޖެނެރަލް ޔަހްޔާ ސާރީ، ވިދާޅުވީ، އިރުމަތީ އަލްޖައުފްގައިވާ ޔަމަން ސިފައިންގެ މަގާމުތަކާ ދެކޮޅަށް ހަރަކާތްތެރިވި މި ފައުޖު މިހާރުވަނީ ބަލިކޮށްފައި ކަމަށެވެ.
ސާރީ ވިދާޅުވި ގޮތުގައި މި އޮޕަރޭޝަންގެ ތެރޭގައި ސައުދީގެ މަދަދާއެކު އުޅޭ ފޯސްތަކުގެ ގިނަ އަދަދެއްގެ އަސްކަރީ އުޅަނދުފަހަރުގައި ރޯކޮށްލައި، އެތައް ކުލީ ސިފައިންނެއް ވަނީ މަރާލައި ނުވަތަ ޒަޚަމްކޮށްލާފައެވެ.
ސައުދީގެ މަދަދާއެކު އުޅޭ މި ފައުޖުތައް އެއްވެފައިވާ ތަންތަނަށް ބެލިސްޓިކް މިސައިލާއި ޑްރޯން ބޭނުންކޮށްގެން ހަމަލާދީފައިވާ ކަމަށްވެސް އޭނާ ވިދާޅުވިއެވެ.
މި ކުރިމަތިލުންތައް ހިނގާފައިވަނީ ޔަމަނުގެ ސިފައިންނާއި ސައުދީގެ މަދަދާއެކު އުޅޭ ފޯސްތަކާ ދެމެދު އެ ގައުމުގެ ތަފާތު އެކި ސަރަހައްދުތަކުގައި ހަނގުރާމަ ވަރުގަދަވެފައިވާ ދަނޑިވަޅެއްގައެވެ.
