ށ. ފުނަދޫ ބަނދަރު ސަރަޙައްދުގައި ހުރި ތެޔޮ ޝެޑެއްގައި މިއަދު ހެނދުނު ރޯވި އަލިފާން މިހާރުވަނީ އެއްކޮށް ނިއްވާލެވިފައި ކަމަށް އެމްއެންޑީއެފުން ވިދާޅުވެއްޖެއެވެ.
މިހާދިސާގައި އެއްވެސް މީހަކަށް އަނިޔާއެއް ނުވެއެވެ. އެހެންނަމަވެސް 4 ގެއަކަށާއި، 5 ވޯކްޝޮޕަކަށް އަލިފާނުގެ އަސަރުވަނީ ކޮށްފައެވެ. އަދި އެސަރަހައްދުގެ ބައެއް ގެތަކުން މީހުން ހުސްކުރަން ވެސް ޖެހުނެވެ. ހުސްކުރި ގެތަކަށް މީހުން އަލުން ބަދަލުކުރި ކަމެއް ކަށަވަރުވެފައެއް ނުވެއެވެ.
އަލިފާން ނިއްވާފައިވަނީ ފުލުހުންނާއި، އެއަރޕޯޓް ފަޔަރ އަދި އާންމުންނާއި އެމްއެންޑީއެފް ގުޅިގެން ކުރިމަސައްކަތުންނެވެ.
