ބަންގާޅު ފޭރާން އުފެއްދުމަށް ނުރައްކާވެއްޖެ

ބަންގްލަދޭޝްގެ ލީޑިން ފެކްޓްރީއެއްގެ ވެރިއަކު ވަނީ ފޭރާން އުފެއްދުމުގެ ސިނާއަތުގައި ހިނގަމުންދާ ހަމަނުޖެހުންތަކާ ގުޅިގެން މުޅި ސިނާއަތަށް ނުރައްކާ ވަނީ ކަމަށް ބުނެ، އެކަމުގެ ސަބަބުން އެގައުމުގެ އިގްތިސާދަށް ވަރަށް ބޮޑަށް އަސަރުކޮށްފާނެ ކަމުގެ އިންޒާރު ދީފަ އެވެ. ބަނގްލަދޭޝްގެ ސިނާއަތުގެ ދާއިރާއަށް ވެރިވަމުން އަންނަ ހަލަބޮލިކަމުގެ ސަބަބުން އިންޑިއާއިން ޒަރޫރީ ރޯ މެޓީރިއަލް އެތެރެކުރުމަށް ވެސް ބުރޫއަރަމުން ދެއެވެ. ފެކްޓްރީތަކުގެ ވެރިން ތުހުމަތު ކުރަނީ ވަގުތީ ސަރުކާރުގެ ތަޖުރިބާ ނެތުމުގެ ސަބަބުން މީހުންގެ މުޒާހަރާތަކާއި ހަމަނުޖެހުންތައް އަދި އުފެދިފައިވާ ނުތަނަވަސް ހާލަތު ކޮންޓްރޯލް ނުކުރެވެނީ ކަމަށެވެ.