އެމެރިކާއިން ހުށަހެޅި ހުށަހެޅުން ލުބުނާނުން ގަބޫލެއް ނުކުރި

ލުބުނާނުގެ ޕާލަމެންޓްގެ ރައީސް ނަބީހް ބައްރީ ވިދާޅުވީ ހަނގުރާމަ ހުއްޓާލުމަށް އެމެރިކާއިން ހުށަހަޅާފައިވާ ހުށަހެޅުން ބަލައި ނުގަނެވޭނެ ކަމަށެވެ. ބައްރީ އިތުރަށް ވިދާޅުވީ އެމެރިކާއިން ހަނގުރާމަ ހުއްޓާލުމަށް ހުށަހަޅާފައިވާ ހުށަހެޅުމުގައި އިޒްރޭލަށް އެއްވެސް ކަމެއް މަނާ ކޮށްފައި ނުވާ ކަމަށެވެ، އަދި އެ ލިޔުން އޮތް ގޮތުން އިޒްރޭލަށް މިނިވަންކަމާއެކު ލުބުނާންގައި ހަރަކާތްތެރިވުމަށް ބާރު ދެއެވެ. އޭނާ ވިދާޅުވީ ލުބުނާންގެ ސިޔާދަތަށް ގެއްލުމެއްވާ އެއްވެސް މާއްދާއެއް އެ ހުށަހެޅުމުގައި އޮތުމަކީ ލުބުނާނުން ގަބޫލުކުރާނެ ކަމެއް ނޫން ކަމަށެވެ. އަދި އެފަދަ ކަމަކީ މަޝްވަރާއަށް ފުރުސަތެއް އޮތް ކަމެއް ނޫން ކަމަށެވެ.