ކެނެޑާއަށް ނަތަންޔާހޫއަށް ވަންނާކަށް ނުކެރޭނެ

އިންޓަރނޭޝަނަލް ކްރިމިނަލް ކޯޓގެ އަމުރަށް ހުރިހައި ގައުމަކުންވެސް ތަބާވުމަށް ކެނެޑާއިން ގޮވާލައިފިއެވެ. އިޒްރޭލުގެ ބޮޑު ވަޒީރު ނަތަންޔާހުއާއި ކުރީގެ ދިފާއީ ވަޒީރު ގެލެންޓު ކެނެޑާއަށް އެތެރެ ވެއްޖެނަމަ އެދެމީހުން ހައްޔަރުކޮށްފައި އިންޓަރނޭޝަނަލް ކްރިމިނަލް ކޯޓާ ހަވާލު ކުރާނެ ކަމަށް ކެނެޑާގެ ބޮޑު ވަޒީރު ޖަސްޓިން ޓްރޫޑޫ ވިދާޅުވެއްޖެއެވެ. ނަޔަންޔާހޫއަށް ދުނިޔޭގެ 124 ގައުމަކަށް ދެނެއް އެތެރެ ނުވެވޭނެއެވެ. އޭނާއަކީ ދުނިޔޭގެ ނަޒަރުގައި ހަނގުރާމައިގެ ޖަރީމާތައް ހިންގާފައިވާ، ހިޓްލަރާ އެއްފެންވަރުގެ މުޖުރިމެކެވެ.