ސެމީކޮންޑަކްޓަރ ޕްރޮގްރާމެއް ގެންގުޅޭ އަށްވަނަ ޤައުމަކަށް އިންޑިއާ

އިންޑިއާއަކީ މިހާރު ކޮމްޕިއުޓަރ ޗިޕްއިން ފެށިގެން، ނިމިފައވާ އިލެކްޓްރޯނިކް ސާމާނު އުފެއްދުމުގެ ކުޅަދާނަކަން ލިބިފައިވާ ޤައުމެކެވެ. ހައިޓޮންގ އިންޓަރނޭޝަނަލް ރިސާޗްއިން އެކުލަވާލި ރިޕޯޓުގައި ބުނެފައިވަނީ އިންޑިއާގެ ސެމީކޮންޑަކްޓާ އިންޑަސްޓްރީއަށް މިހާތަނަށް 18 ބިލިއަން ޑޮލަރުގެ އިންވެސްޓްމެންޓް ހޯދާފައިވާ ކަމަށެވެ. އިންޑިއާގެ ބޮޑު ވަޒީރު އެކުލަވާލާފައިވާ އިލެކްޓްރޯނިކް މާރެހުގައި ވަނީ މިހާރު އިންޑިއާއިން އުފައްދާ 150 ބިލިއަން ޑޮލަރުގެ އިލެކްޓްރޯނިކް މުދާ ކުރިމަގުގައި 500 ބިލިއަން ޑޮލަރަށް އިތުރު ކުރާށެވެ. އަދި 5 އަހަރު ތެރޭގައި އެދާއިރާއިން 6 މިލިއަން ވަޒީފާ އުފައްދާށެވެ. މި ރިޕޯޓުގައި އިންޑިއާ ފާހަގަ ކޮށްފައި ވަނީ، އަމިއްލަ ސެމީކޮންޑަކްޓާ ޕްރޮގްރާމެއް ގެންގުޅޭ 8 ވަނަ ޤައުމުގެ ގޮތުގައެވެ.