އަންނަ އަހަރު ބޭއްވުމަށް ހަމަޖެހިފައިވާ ލޯކަލްކައުންސިލް އިންތިކާބުގައި ޕީއެންސީގެ ތަރުޖަމާނަކަށް މުޙައްމަދު ފިރުޒުލް ހަމަޖައްސަވައިފިއެވެ.
އޭނާ މިމަގާމަށް ހަމަޖެއްސިކަން އިއުލާން ކުރެއްވީ ޕީއެންސީން މިއަދު ހަވީރު ބޭއްވި ނޫސްވެރިންގެ ބައްދަލުވުމެއްގައެވެ. އެކަން ހާމަކުރެއްވީ އެޕާޓީގެ ޕީޖީ ލީޑަރު އަދި ކެންޕޭން މެނޭޖަރު އިބްރާހީމް ފަލާހެވެ.
ރައީސް އޮފީހުގެ އަންޑަރސެކްރެޓަރީކަން ކުރައްވަމުން ގެންދަވާ ފިރުޒުލްއަކީ ރައީސް ޑރ. މުޙައްމަދު މުޢިއްޒު ރިޔާސީ ކެންޕޭން ކުރެއްވި ދުވަސްވަރު އެމަނިކުފާނުގެ ވެސް ތަރުޖަމާނެވެ.
