ޓެސްލާ ކުންފުނިން ބޭނުންނަމަ، އުޅަނދުގެ ވެރިމީހާގެ ސިޔާސީ ފިކުރަށް ބަލައިގެން އެ އުޅަނދެއް ލޮކް ކޮށްލެވިދާނެއެވެ. އެމެރިކާގެ ބިލިއަނަރު އެލޮން މަސްކު ވަނީ ޗެޗްނިޔާގެ ލީޑަރު ރަމަޟާން ޤާދިރޯވްގެ ސައިބަރޓްރަކް ރިމޯޓުން ނިއްވާލައި ލޮކް ކޮށްލާފައެވެ.
އޮގަސްޓް މަހު ޗެޗްނިޔާގެ ވެރިރަށް ގްރޮޒްނީ ސިޓީ ވަށައިގެން އުޅަނދު ދުއްވަމުން ދިޔަ ވީޑިއޯއެއް ޤާދިރޯވް ވަނީ މީސްމީޑިއާގައި ޝާއިޢު ކުރައްވާފައެވެ. އެ ވީޑިއޯތަކުގައި އޭނާ ވިދާޅުވެފައި ވަނީ އެ ސައިބާ ޓްރަކަކީ، މަސްކު ފަރާތުން ކޮށްފައިވާ ހަދިޔާއެއް ކަމަށެވެ.
ފަހުން ޝާއިއުކުރި ވީޑިއޯގައި ޤާދިރޯވް މަސްކު ގާތުން އައްސަވާފައިވަނީ ރިމޯޓުން އޭނާގެ އުޅަނދު ލޮކް ކޮށްލީ ކީއްވެގެން ތޯއެވެ؟
ޤާދިރޯވް ވަނީ ހަދިޔާއަކަށް ދިން ސައިބާޓްރަކް ޔުކްރެއިންގެ ހަނގުރާމައިގެ މައިދާނުގައި ބޭނުން ކުރައްވާފައެވެ. އަދި ހަނގުރާމައިގެ މައިދާނުގައި ބޭނުން ކުރުމަށް ސައިބާޓްރަކްގެ މޮޅުކަން އިހުސާސް ކުރެވިފައިވާ ކަމަށްވެސް ވިދާޅުވެފައި ވެއެވެ.
ޤާދިރޯވްގެ ސައިބާޓްރަކްގައި ބަޑިއެއް ހަރުކޮށްގެން ބޭނުންކޮށްފައިވާ ވީޑިއޯއެއްވެސް އޭނާ މީސްމީޑިއާގައި ހާމަކުރެއްވިއެވެ.
