މާތްވެގެންވާ އިސްލާމްދީނަށް ފުރައްސާރަ ކުރުމުގެ ތުހުމަތު ކުރެވޭމީހަކު ސޯޝަލް މީޑިއާގައި ޕީއެންސީގެ ކެންޑިޑޭޓުންނަށް ތާއިދުކޮށް ވާހަކަ ދެއްކުމަކީ ޕީއެންސީއާ އެއްވެސް ރަސްމީ ގުޅުމެއް އޮތްކަމެއް ނޫންކަމަށް އެޕަޓީން ބުނެފިއެވެ.
”އިސްލާމްދީނަށް ފުރައްސާރަ ކުރުމުގެ ތުހުމަތުގައި ފުލުހުން ހޯދަމުންދާ މީހަކު، ޕީއެންސީގެ ކެންޑިޑޭޓުންނަށް ތާއީދުކޮށް ސޯޝަލް މީޑިއާގައި ވާހަކަދައްކާފައިވުމަކީ، މި ޕާޓީއާ އެއްވެސް ރަސްމީ ގުޅުމެއް އޮތް ކަމެއް ނޫންކަމުގައި ދަންނަވަމެވެ.“ އެކްސްގައި ކޮށްފައިވާ ޕޯސްޓެއްގައި ބުނެފައިވެއެވެ. އެ ޕޯސްޓުގައި ބުނެފައިވަނީ އިސްލާމްދީނަށް ފުރައްސާރަކުރުން ފަދަ އަމަލުތައް ޕީއެންސީން އެންމެ ހަރުކަށި އިބާރާތުން ކުށްވެރިކުރާ ކަމަށެވެ.
