ރޮމޭނިއާގެ އެދުމަކަށް ގްރީސްގައި ރޮމޭނިއާއާއި އިޒްރޭލުގެ ރަށްވެހިކަން އޮންނަ މީހަކު ހައްޔަރުކޮށްފިއެވެ. އިންޓަރޕޯލުން މިމީހާ ހައްޔަރުކޮށްފައި ވަނީ ރޮމޭނިއާގައި މަކަރާއި ހީލަތް ހެދުމުގެ މައްސަލައެއްގައެވެ.
ގްރީސް ކޯޓަކަށް ނެޓީ މެއިރް ނަކަމަށް ކިޔާ ޔަހޫދީ މީހާ ލިޔެދިން ބަޔާނުގައި ބުނެފައި ވަނީ އޭނާއަކީ އިޒްރޭލާއި ރޮމޭނިއާގެ ރަށްވެހިކަން އޮންނަ މީހެއް ކަމަށެވެ. އަދި އޭނާއަކީ ކުރިން ރޮމޭނިއާގެ އެމްޕީއަކަށް އުޅުނު އިރު އިޒްރޭލަށް ޖާސޫސްކޮށްދޭން އުޅުނު މީހެއް ކަމަށެވެ.
ޒަޔަނިސްޓުންގެ މީޑިއާއިން ބުނަނީ މިމީހާ އަކީ މީގެ ކުރިންވެސް މަކަރާއި ހީލަތުގެ މައްސަލައެއްގައި ޑުބާއީގައިވެސް ހައްޔަރު ކޮށްފައިވާ މީހެއް ކަމަށެވެ. ނަމަވެސް އިޒްރޭލުގެ ފޮރިން މިނިސްޓްރީން ވަދެގަނެގެން އޭނާ ސަލާމަތް ކޮށްދިނީ ކަމަށެވެ.
