ޗައިނާގެ މީޑިއާ ޓީއެމްޓީޕޯސްޓާ ހަވާލާދީ ލިބަޓީ ޓައިމްސް އިން ބުނި ގޮތުގައި 2019 ވަނަ އަހަރު އެމެރިކާއިން ޗައިނާގެ ކޮމްޕިއުޓަރު ޗިޕް ސިނާއަތަށް ދަތިކުރުމުގެ ފިޔަވަޅު އަޅަން ފެށި ފަހުން ޗައިނާގެ 22،000 އަށް ވުރެ ގިނަ ސެމީކޮންޑަކްޓަރ ކުންފުނި ބަންދުކޮށްފައިވެއެވެ.
2023 ވަނަ އަހަރު ނިމުނުއިރު ކުދި އަދި މެދުފަންތީގެ ކުންފުނިތަކަށް އެކަމުން އަސަރުކޮށްފައިވެ އެވެ. ޗައިނާގައި ޗިޕް އުފެއްދުމުގެ މައިގަނޑު ޓެކްނޮލޮޖީތައް ނެތުމާއި ފަންނީ ހުރަސްތަކުން އަރައިގަތުމަށް ދިމާވާ ދަތިތަކުގެ ސަބަބުން ބޭނުންވާ ވަރަށް އެދާއިރާ ކުރިއަށް ނުގެންދެވެއެވެ.
އެ ރިޕޯޓުގައި ފާހަގަކޮށްފައިވާ ގޮތުގައި ކުދި ޗިޕް ކުންފުނިތަކަށް ބޮޑެތި އިންވެސްޓްމަންޓްގެ ގޮންޖެހުންތަކެއް ކުރިމަތިވެފައިވެ އެވެ. އެމެރިކާގެ ދަތިކުރުމުގެ ފިޔަވަޅުތަކުގެ ސަބަބުން އެމެރިކާގެ އިންވެސްޓްމަންޓްތައް ހަނިކޮށްފައިޥާ ކަމަށާއި އޭގެ އިތުރުން ޔޫރަޕްގެ އިންވެސްޓަރުން ވެސް ފަސްޖެހިފައިވާ ކަމަށް ބުނެފައި ވެއެވެ.
ޗައިނާގެ ސެމީކޮންޑަކްޓަރ ދާއިރާ އެމެރިކާއިން ވަނީ އިތުރަށް ފިއްތާލާފައެވެ. ވާވޭ ފަދަ ބޮޑެތި ކުންފުނިތަކަށް ސަޕްލައި ކުރާ ފަރާތްތައް ހޯދުމަށް ބިލިއަން ޑޮލަރު އިންވެސްޓްކޮށްފައިވާއިރު، ކުދި ކުޅުންތެރިންނަށް ވަނީ ސަރުކާރުގެ އެކަށީގެންވާ ތާއީދެއް ނުލިބި އުނދަގޫތަކެއް ކުރިމަތިވެފަ އެވެ.
