ސްޕޭސްއެކްސް އިން ވަނީ އިންޑިއާގެ ޖީސެޓް-އެން2 ސެޓެލައިޓް ކާމިޔާބުކަމާއެކު ޖައްވަށް ފޮނުވާލާފައެވެ. މި މިޝަންގެ މަގުސަދަކީ އިންޑިއާގެ ބްރޯޑްބޭންޑާއި އިން-ފްލައިޓް އިންޓަނެޓްގެ ހިދުމަތް ކުރިއެރުވުމެވެ.

ފްލޮރިޑާއިން ފޮނުވާލި މި ސެޓެލައިޓް ޖިއޮސިންކްރޮނަސް ޓްރާންސްފާ އޯބިޓްގައި ބަހައްޓާފައިވަނީ މިއަދު ހެނދުނު 12:36 ހާއިރު އެވެ. އިސްރޯގެ ވިޔަފާރި ކުންފުނި ކަމަށްވާ އެންއެސްއައިއެލް އިން އުފައްދާފައިވާ ޖީސެޓް-އެން2 ގައި ބޭނުންކޮށްފައިވަނީ ޒަމާނީ ސީޔޫ-ބޭންޑް ޓެކްނޮލޮޖީ އެވެ. އެއީ މުޅި އިންޑިއާގައި ސްމާޓް ސިޓީތަކާއި ކަނެކްޓިވިޓީ ގެ ބޭނުންތަކަށް ސަޕޯޓް ކުރާނެ ނިޒާމެވެ.