ފުލުހަކަށާއި އާންމުންގެ މީހަކަށް ތޫނުއެއްޗަކުން ހަމަލާދޭން އުޅުނު މީހަކު މިއަދު ހައްޔަރުކޮށްފިއެވެ.
ފުލުހުން ވިދާޅުވީ އެމީހާ ފުރަތަމަ ހަމަލާދޭން އުޅުނީ ހުޅުމާލޭ ފޭސް އެކެއްގައި އުޅުނު އާންމުންގެ މީހަކަށް ކަމަށެވެ. ފުލުސް މީހާއަށް ތޫނުއެއްޗަކުން ހަމަލާ ދޭން އުޅުނީ ހަމަލާދިން މީހާ ހައްޔަރު ކުރަން އުޅުމުން ކަމަށް ފުލުހުން ވިދާޅުވެފައިވެއެވެ.
އެމީހާ ހައްޔަރު ކޮށްފައިވަނީ މިއަދު 18:30 އެހައިކަންހާއިރު ކަމަށެވެ. ހައްޔަރު ކޮށްފައިވަނީ އުމުރުން 33 އަހަރުގެ ދިވެހި ފިރިހެނެއް ކަމަށް ފުލުހުން ވިދާޅުވިއެވެ. އޭނާއާ ބެހޭ އިތުރު އެއްވެސް މައުލޫމާތެއް ފުލުހުން ދެއްވާފައެއް ނުވެއެވެ.
މިމައްސަލަ ބަލަމުންދާ ކަމަށް ވެސް ފުލުހުން ވިދާޅުވިއެވެ.
