”ބަހުލޫލު“ ލަވަކިޔައިގެން ކުއްލި މަޝްހޫރު ކަމެއް ހޯދާފައިވާ ރ.ދުވާފަރު ކައުންސިލްގެ އެމްޑީޕީ މެމްބަރު މަރިޔަމް ޔަޝްފާ ފުލުހަށް ހާޒިރު ނުކުރަން ނިންމައިފިއެވެ. އޭނާ ބުނެފައިވަނީ މިއަދު ހަވީރު ފަސްގަޑި އެގާރަ އެހައިކަނާހާއިރު ފުލުހުން ގުޅާފައި ޗިޓް ކެންސަލް ކޮށްފައިވާ ކަމަށް ވިދާޅުވި ކަމަށެވެ.
ފުލުހަށް ހާޒީރުވާން ކުރިން އޭނާއަށް ފޮނުވާފައިވާ ޗިޓުގައި ވިދާޅުވެފައިވަނީ މާދަމާ ހެނދުނު 10:30 އަށް ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގަށް ހާޒިރު ވުމަށެވެ. ހާޒިރު ކުރާ ސަބަބެއް ކަމަށް ވިދާޅުވެފައިވަނީ ކުރެވޭ ތުހުތަކަށް ސުވާލު ކުރުމަށް ކަމަށެވެ. ތުހުމަތުގެ ޚުލާސާގައި ވިދާޅުވެފައިވަނީ ”2024 ނޮވެމްބަރު 11 ވަނަ ދުވަހުގެ ރޭގަނޑުގެ ވަގުތެއްގައި މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ފަރާތުން ޗާންދަނީ މަގުގައި ހުންނަ އެޕާޓީގެ ޖަގަހައިގައި ކުރިއަށް ގެންދިޔަ ކައުންސިލަރުންގެ ހަރުގެ ޖަލްސާގައި ރ. ދުވާފަރު/ދޮންވެލި މަރްޔަމް ޔަޝްފާ ވާހަކަ ދައްކަމުން ދިވެހި ރާއްޖޭގެ ރައީސުލްޖުމްހުރިއްޔާގެ ފުރާނައަށް ނުރައްކާވާގޮތަށް އަމަލު ކުރުމަށް ގޮވާލާފައިވާ ކަމަށް ތުހުމަތު ކުރެވޭ މައްސަލައިގެ ތުހުމަތުގައި ސުވާލުކޮށް ބަޔާން ނެގުމަށް“ ކަމަށެވެ.
