ކްރިސްމަސް މާރުކޭޓަކަށް ކާރު ވައްދާލައިގެން 11 މީހުން މަރާލި ސައޫދީ މީހާއަކީ ސައޫދީ އަރަބިއްޔާއިން ޝަރިއަތަށް ބޭނުންވެގެން އޭނާ ހަވާލު ކުރުމަށް ޖަރުމަން ސަރުކާރުގައި އެދިފައި އޮތް މީހެއްކަމަށް ސައޫދީ ސަރުކާރުން ބުނެއެވެ. ނަމަވެސް ޖަރުމަން ސަރުކާރުން ވަނީ އޭނާގެ އިންސާނީ ހައްގުތަކާ ހެދި އޭނާ ޖަރުމަންވިލާތުން ސައޫދީ އަރަބިއްޔާއަށް ބޭރު ނުކުރެވޭނެ ކަމަށް ބުނެފައެވެ.
އެއް ޒަމާނެއްގައި ހައްދުފަހަނައަޅާފައިވާ ހަރުކަށި ފިކުރަށް ތަބާވެގެން އުޅުނު މިމީހާއަކީ ތާލިބް އަބްދުލް މުހުސިނު ނަމަކަށް ކިޔާ މީހެކެވެ.
ފަހުން އޭނާ ވަނީ ފަލަސްޠީނުގެ ބިންތައްވެސް އިޒްރޭލުން ހިފަންވާނެ ކަމަށް ބުނެ އިޒްރޭލުގެ ސަޕޯޓުގައި ވާހަކަ ދައްކާފައެވެ. އަދި އޭނާއަކީ ދީން ގަބޫލު ނުކުރާ އަދި ކަސްބީ ވިޔަފާރީގައި ޖަރުމަނަށް އިންސާނީ ވަގުފާރީގައި އަންހެނުން އެތެރެކޮށް އުޅުނު މީހެއްކަމަށް ވެސް ސައޫދީން ބުނެފައި ވެއެވެ.
