އަބީޝޭކް ބަޗަން އޭނާއަށް ވުރެން މާދޮށީ އަންހެނަކަށް އުދަގޫކުރީ ކީއްވެގެން ހެއްޔެވެ؟ ފިލްމު އުފައްދާ ފަރަހަ ޚާން ބުނެފައި ވަނީ އެއް ޒަމާނެއްގައި އޭނާއަށް އަބީޝެކްއާއި ވީވާން ޝާހްގެ އުދަގޫ އިންތިހާއަށް ބޮޑުވި ކަމަށެވެ. އަދި މި ދެމީހުން އޭނާގެ ފޮޓޯތައް ނަގައި ޓުއީޓު ކޮށް ހެދި ކަމަށެވެ.
ވީވާން ޝާހްއަކީ ނަސީރުއްދީން ޝާހްގެ ދަރިފުޅެވެ.
ފަރަހަ ވަނީ މި ދެމީހުންގެ އުދަގޫ ބޮޑުވެގެން ޝާހްރުޚް ޚާން ގާތުގައި އެމީހުންނަށް ނަސޭހަތްދޭން އެދިފައެވެ. މި ވާހަކަ ޝާހްރުޚް ޚާން ކިޔައިދިނީ ކޯން ބަނޭގާ ކްރޯރުޕަތީ ޕްރޮގްރާމަށް އެރި ދުވަހެއްގައި އަމީތާބު އަށެވެ.
”ތިމަން މި ދެމީހުންނާ ވާހަކަ ދައްކަމުން ހިތަށް އެރީ އެކެއްގެ ބައްޕައަކީ ބަޗަން އޭ އަނެކެއްގެ ބައްޕައަކީ ނަސީރުއްދީން އޭ، އެހެންވީމަ، އެ މީހުން ނުކުރި ތަރުބިއްޔަތެއް ނޫނީ ނުދިން ނަސޭހަތެއް މަދޭނީ ކިހިނެއް ހޭ؟“ ޚާން ބުންޏެވެ.
އަދި ފަރަހަ ކައިރީ އެއީ ކުޑަ ކުދިންތަކެއް ކަމަށާއި އެކުދިން އެކަން ފަހުން ހުއްޓާލާނެ ކަމަށް ބުނެ އެހިސާބުން އޭނާ މައްސަލަ ނިންމާލީ ކަމަށް ބުންޏެވެ.
