އަފްޣާނިސްތާނުގައި އަންހެނުން ވަޒީފާ އަދާކުރާ ގައުމީ އަދި ބައިނަލްއަގްވާމީ ސަރުކާރު ނޫން ހުރިހާ އަމިއްލަ ޖަމިއްޔާތަކެއް ބަންދުކުރާނެ ކަމަށް ތާލިބާނުން އިއުލާންކޮށްފި އެވެ. ތާލިބާންގެ މި ފިޔަވަޅަކީ، އިސްލާމީ ހެދުން އެޅުމުގެ އުސޫލުތަކަށް އަމަލު ނުކުރާތީ ކަމަށް ތާލިބާން ސަރުކާރުން ބުނެއެވެ.
އެކްސް ގައި ޝާއިއުކުރި ސިޓީއެއްގައި ތާލިބާނުންގެ އިކޮނޮމީ މިނިސްޓްރީން ވަނީ އަފްޣާން އަންހެނުން ވަޒީފާ އަދާކުރާ ހުރިހައި ޖަމިއްޔާއެއްގެ ލައިސަންސް ބާތިލް ކުރާނެ ކަމަށް އިންޒާރު ދީފަ އެވެ.
