ރައީސަކަށް ހުންނެވި ދުވަސްވަރު ރައީސެއްގެ ހައިސިއްޔަތުން އެންމެ ފަޚުވެރިވާ އެއްކަމަކީ މީގެ 6 އަހަރު ކުރިން، ފެށްޓެވި ހިލޭ ޑިގްރީއަށް ކިޔަވައި ދިނުމުގެ ޕްރޮގްރާކަމަށް ރައީސް އިބްރާހީމް މުހައްމަދު ސާލިހު މިއިދު ވިދާޅުވެއްޖެއެވެ.

އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ ”މިއަދު،( 14 ފެބުރުވަރީ) މީގެ 6 އަހަރު ކުރިން، އަޅުގަނޑުމެންގެ ހިލޭ ޑިގްރީ ސްކީމް ފަށައި، ދަރިވަރުންނަށް މަތީ ތަޢުލީމު ހިލޭ ކިޔެވުމުގެ މަގު ހުޅުވިގެން ދިޔައީ – ރައީސްގެ ހައިސިއްޔަތުން އަޅުގަނޑު އެންމެ ފަޚުރުވެރިވާ އެއް ކާމިޔާބީ، ކަމަށެވެ.

ރައީސް ސާލިހު ވިދާޅުވެފައިވަނީ ވެރިކަން ނިންމަވާ ލައްވާފައި ރައީސް އޮފީހުން ނުކުމެ ވަޑައިގެންނެވިއިރު 18،000 އަށް ވުރެ ގިނަ ދިވެހި ޒުވާނުން، ޑިގްރީއަށް ނަންނޯޓް ކޮށްފައިވާ ކަމަށެވެ. އަދި 8،500 ދިވެހި ޒުވާނުން ވަނީ އެ ޕްރޮގްރާމްގެ ދަށުން ފުރަތަމަ ޑިގްރީ ފުރިހަމަކޮށްފައި ކަމަށްވެސް ވިދާޅުވެފައިވެއެވެ.

”ތަޢުލީމަކީ އެންމެންނަށް ވެސް ހަމަހަމަ އެއްޗެއް ކަމަށާއި، އޭގެ ސަބަބުން ޒުވާނުންނަށް ދިރިއުޅުމުގައި ކުރިއަށް ދިއުމުގެ ފުރުސަތާއި، ގައުމު ބިނާކުރުމުގެ ހިއްސާވެސް ތައުލީމުގެ ސަބަބުން ހުޅުވާލެވިގެންދާ ކަމަށް ވިދާޅުވެފައިވެއެވެ. ”މި ޕްރޮގްރާމްގެ ކާމިޔާބަކީ މިކަމުގެ ހެކިތަކެކެވެ.“ ރައީސް ސާލިހު ވިދާޅުވެފައިވެއެވެ.