ހުޅުމާލޭ ސަހަރާގައި މީހުން ވަޅުލުން ވަގުތީ ގޮތުން ހުއްޓާލައިފިއެވެ. މާލޭ ސިޓީކައުންސިލުން ވިދާޅުވީ މިވަގުތަށް ހުޅުމާލެ ސަހަރާގައި މީހުން ވަޅުލުން ހުއްޓާލީ ފެންބޮޑުވުމުގެ ސަބަބުން ކަށްވަޅުގައި 8 އިންޗި އާއި 9 އިންޗިއާއި ދެމެދަށް ފެން ހުރުމުން ކަމަށެވެ.
”މިހެން ކަމުން މިއަދު މަޣްރިބް ނަމާދަށް ފަހު ހުޅުމާލެ ސަހަރާގައި ވަޅުލަން ހަމަޖެހިފައިވާ މައްޔިތާ ވަޅުލުން މިހާރު ވަނީ މާލެ އާސަހަރާއަށް ބަދަލު ކުރެވިފައެވެ.“ މާލޭ ސިޓީގައި ފެންބޮޑުވުމުން މީގެ ކުރިންވެސް ވަނީ ހުޅުމާލޭ ސަހަރާގައި މީހުން ވަޅުލުން ވަގުތީ ގޮތުން މެދުކަނޑާލައިފައެވެ.
