އިންޑިއާސިފައިން ބޭރުކުރި އަދަދުހޯދަން ސުވާލުކުރި މުއްދަތުގައި، ބޯހިމަނާ ނިމިއްޖެ، ޖަވާބެއްނުލިބޭ: ފިއްޓޭ

އަހުމަދު މުހައްމަދު
މާރޗް 18, 2025

މިހާތަނަށް ރާއްޖޭން ބޭރުކުރީ ކިތައް އިންޑިއާ ސިފައިންތޯ އޮޅުން ފިލުވުމުމަށް، ޑިފެންސް މިނިސްޓަރު ގައްސާން މައުމޫނާ ލިއުމުން ޖަވާބު ހޯއްދެވުމަށް ސުވާލު ކުރެއްވިތާ އެތައް ދުވަހެއް ފާއިތުވިއިރު، އެ ސުވާލަށް އަދިވެސް ޖަވާބު ލިބިފައިނުވާ ކަމަށް ރައްޔިތުންގެ މަޖިލީހުގެ ވައިކަރަދޫ ދާއިރާގެ މެންބަރު ހުސައިން ޒިޔާދު (ފިއްޓޭ) ވިދާޅުވެއްޖެއެވެ.

ފިއްޓޭ މިހެން ވިދާޅުވީ، ރައްޔިތުންގެ މަޖިލީހަށް ހުށަހެޅޭ މައްސަލަތަކާ ގުޅިގެން، މަޖިލީހުގެ ކޮމިޓީތަކަށް ހާޒިރުކުރަންޖެހޭ ފަރާތްތައް ހާޒިރުކުރަން މަޖިލިސް އިދާރާއިން ދޭ ނޯޓިސްގެ މުއްދަތު ކުރުކުރަން މަޖިލިސް ގަވާއިދަށް ހުށަހެޅި އިސްލާހާބެހޭގޮތުން މަޖިލިސް ޖަލްސާގައި މިއަދު ވާހަކަ ދައްކަވަމުންނެވެ.

ގަވާއިދަށް ގެންނަން ހުށަހަޅާފައިވާ އިސްލާހުގައި ވަނީ އެގޮތަށް ކޮމިޓީއަށް ހާޒިރުކުރަންޖެހޭ ފަރާތްތަކަށް ދޭ ފަސްދުވަހުގެ ނޯޓިސް ތިން ދުވަހަށް ކުރު ކުރުމަށެވެ.

އެ އިސްލާހަށް ތާއީދު ކުރާކަން ހާމަ ކުރައްވަމުން ފިއްޓެ ވިދާޅުވީ، އެގޮތަށް މަޖިލީހާއި ކޮމިޓީތަކަށް ހާޒިރުކުރާ ފަރާތްތައް ޖަވާބުދާރީވާންޖެހެގޮތް މިހާރުވެސް މަޖިލިސް ގަވާއިދުގައި އޮންނަ ކަމަށެވެ. ނަމަވެސް އެގޮތަށް ކަންތައް ކުރިއަށްނުދާ ކަމަށްވެސް މެންބަރު ވިދާޅވިއެވެ.

އޭގެ ތެރެއިން މެންބަރުން މިނިސޓަރުންނާ ކުރަން ފޮނުވާ ސުވާލުތަކަށް ޖަވާބުދޮނުން ލަސްވަމުންދާކަން ފާހަގަ ކުރައްވައި ޒިޔާޒު ވިދާޅުވީ، މިހާތަނަށް ރައްޖޭން ކިތައް އިންޑިއާސިފައިން ބާލައިފިތޯ، އޮޅުން ފިލުވުމަށް ޑިފެންސް މިނިސްތަރު ގައްސާނު މައުމޫނަށް ސުވާލު ކުރަން ފޮނުއްވިދާ ވަަރަށް ގިނަ ދުވަސްވެފައިވާ ކަމަށެވެ.

”އަޅުގަނޑު ޑިފެންސް މިނިސްޓަރަށް ފޮނުވީ ވަރަށްކުޑަކުޑަ ސުވާލެއް، އެއީ މިހާތަަނަށް ރާއްޖޭން ބޭރުކުރީ ކިތައް އިންޑިއާ ސިފައިންތޯ، އެ ސުވާލުގެ މުއްދަތުުގެ ތެރޭގައި، މުޅި ދިވެހި ރާއްޖޭގެ ބޯހިމެނުން ނިންމައި ނަތީޖާވެސް ހާމަކޮށްފި، އަދިވެސް އެ ސުވާލަކަށް ޖަވާބެއްނުލިބޭ،“

މި ލިޔުމާ ގުޅޭ

ކޮމެންޓް ކުރުމަށް

Your email address will not be published. Required fields are marked *