އޯޓީޒަމް ކުދިންނަށް ލޯތްބާއި އަޅާލުން ދިނުމަކީ ގައުމީ ވަޖިބެއް ކަމަށް ރައީސް ޑރ. މުހައްމަދު މުއުއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ދުނިޔޭގޭ އޯޓިޒަމް ދުވަހާ ގުޅިގެން ސޯޝަލް މީޑިއާގައި އާންމުކުރެއްވި ޕޯސްޓެއްގައެވެ.
އެމަނިކުފާނު ވިދާޅުވެފައިވަނީ ކޮންމެ ދިވެހި ދަރިއަކީ މިގައުމަށް މުހިންމު އަގުހުރި ދަރިއެއް ކަމަށެވެ. އޯޓިޒަމް ތަހައްމަލް ކުރަމުންދާ ކޮންމެ ކުއްޖަކީވެސް ގައުމަށް މަންފާކޮށްދޭނޭ އެތައް ހުނަރެއްހުރި މޮޅު ކުއްޖެއް ކަމަށް ރައީސް ވަނީ ވިދާޅުވެފައެވެ. ދުނިޔޭގެ އޯޓިޒަމް ދުވަހަކީ އެޕްރީލް ދެވަނަ ދުވަހެއެވެ.
