ލިޔަން ކިޔަން ދަތުމާ ގުޅޭ ގޮތުން، 2023 ގައި ކުރެވުނު ސަރވޭއަކުން ދައްކާގޮތުގައި 15 އަހަރުން މަތީގެ 3،026 މީހުންނަކީ ލިޔަންކިޔަން ނޭނގޭ މީހުންނެވެ. އޭގެ ތެރެއިން 1،692 މީހުން ވަނީ ހިލޭ ބާހަކަށް ލިޔަން ކިޔަން ދަސްކޮށް ދިނުމަށް މަސައްކަތް ކުރާ 292 މުދައްރިސުންގެ އިރުޝާދުގެ ދަށުން ކިޔެވުމުގެ ޕްރޮގްރާމްތަކުގައި ބައިވެރިވެފައެވެ. އިންޑިއާގެ 2011 ގެ ބޯ ހިމެނުމުގައި ލިޔަންކިޔަން ދަންނަ މިންވަރު އެއިރު، 3 ވަނައަށް އެންމެ މަތިކޮށް ހުރީ މިޒޯރާމް ގައެވެ. އެއީ 91.33 ޕަސެންޓެވެ.ފަހުން އެސްޓޭޓުން އަމާޒު ހިފީ، ލިޔަންކިޔަން ދަތުމުގެ ޕްރޮގްރާމުގައި ޑިޖިޓަލް އަދި މާލީ ދާއިރާގެ ހޭލުންތެރިކަން ހިމަނައިގެން އުލާސް ޕްރޮގްރާމު ހިންގާށެވެ.
އިންޑިއާގެ މަރުކަޒީ ސަރުކާރުން ވަނީ ސްޓޭޓުން މި މަސައްކަތަށް ދިން އެއްބާރުލުން ފާހަގަ ކޮށްފައެވެ. މިޒޯރާމްއިން ވަނީ އުލާސް (އަންޑަސްޓޭންޑިންގ ލައިފްލޯންގ ލަރނިންގ ފޯރ އޯލް އިން ސޮސައިޓީ) ގެ ނަމުން ޕްރޮގްރާމެއް ހިންގާފައެވެ. މި ޕްރޮގްރާމުގެ ދަށުން، މިނިސްޓްރީ އޮފް އެޑިޔުކޭޝަންގެ ހޯދުންތަކުން ދައްކަނީ 95 އިންސައްތަ ގެ މޭލުގާ ފަހަނައަޅައި ގޮސްފައިވާ ކަމަށެވެ. އެގޮތުން ނިސްބަތުން އެ ސްޓޭޓްގައި ލިޔަންކިޔަން ދަތުމުގެ ނިސްބަތް 98.2 އިންސައްތައަށް އަރައެވެ.
އިންޑިއާގެ ކެރެލާއަށް ފަހު އިންޑިއާގައި ފުރިހަމައަށް ލިޔަންކިޔަން ދަންނަ ސްޓޭޓަކަށް މިޒޯރާމް ވެގެން ހިނގައްޖެއެވެ. މިޒޯރާމް ޔުނިވަރސިޓީގައި، ކުރި އިއުލާނެއްގައި އެ ސްޓޭޓް ސަރުކާރުން ބުނެފައި ވަނީ ލިޔަން ދަތުމަށް މިންގަނޑުތަކެއް ކަނޑައަޅައިގެން ހިންގި ޕްރޮގްރާމު ކާމިޔާބު ކަމާއެކު ހާސިލު ވެފައިވާ ކަމަށެވެ.
