ރައްޔިތުންގެ މަޖިލީހުން ފާސްކުރަން މިހާރު ތައްޔާރުވަމުން ގެންދާ ”މީޑިއާ ކޮންޓްރޯލް“ ބިލް ފާސްނުކޮށް މަޖިލީހުން ބޭރު ކުރުމަށް ރައީސް އިބްރާހީމް މުހައްމަދު ސާލިހު އިލްތިމާސް ކުރައްވައިފިއެވެ.
އެކްސްގައި ކުރެއްވި ޕޯސްޓެއްގައި އެމަނިކުފާނު ވިދާޅުވެފައިވަނީ މިހާރު ރައްޔިތުންގެ މަޖިލީހުން ފާސްކުރުމަށް ތައްޔާރުވަމުންދާ މީޑިއާ ކޮންޓްރޯލު ބިލުގައި ނޫސްވެރިންގެ ގިނަ ކޮންބޮޑުވުންތަކެއް ހުރިކަން މިހާރުވެސް ދަނީ ފާޅުކުރަމުން ކަމަށެވެ. ”އަޅުގަނޑުގެ އިލްތިމާސަކީ ނޫސްވެރިންގެ އެ ކަންބޮޑުވުންތައް އަޑުއައްސަވާ މި ބިލު މަޖިލީހުން ބޭރުކޮށްދެއްވުން،“ އެމަނިކުފާނު ވިދާޅުވެފައިވެއެވެ.
