ނ. އަތޮޅުން ފެށިގެން ދ. އަތޮޅާ ދެމެދުގެ ރަށްތަކަށް ހުދުސަމާލު ނެރެފި އެވެ.
މޫސުމާބެހޭ އޮފީހުން ވިދާޅުވެފައިވަނީ ހުދުސަމާލު ނެރުނީ ގަޑިއަކު ނަވާރަ މޭލާއި ސައުވީސް މޭލާ ދެމެދުގެ ބާރުމިނުގައި ވައިޖެހި ކަނޑުތައް ގަދަވާނޭ ކަމަށް ލަފާކުރެވޭތީ ކަމަށެވެ.
މިސަމާލު ނެރެފައިވަނީ މިއަދު މެންދުރުފަހު އެކަކުން މިރޭ ހަތަކާ ހަމައަށެވެ. މިދުވަސްވަރަކީ ރާއްޖޭގެ ބައެއް ހިސާބުތަކަށް ވިއްސާރަ ދުވަސްވަރެކެވެ. އެހެން ކަމުން ކަނޑުދަތުރުފަތުރު ކުރުމުގައި ސަމާލުވުމަށް ކަމާބެހޭ ފަރާތްތަކުން ދަނީ އިލްތިމާސް ކުރަމުންނެވެ.
