ގްލޯބަލް ޑޭޓާ ސްޓޯރޭޖްގައި ޗައިނާގެ ދައުރު ބޮޑުވަމުންދާތީ، ޕްރައިވެސީ އާއި ޗައިނާ ސަރުކާރަށް މީހުންގެ ޑޭޓާއަށް ވަދެވޭނެ ގޮތް ވެދާނެ ގޮތާ މެދު ބިރުވެރިކަން އުފެދިއްޖެއެވެ.

ބައިނަލްއަގްވާމީ ކުންފުނިތަކުން ގިނައިން ޗައިނާގައި ޑޭޓާ ރައްކާކުރަނީ ޚަރަދު ކުޑަވުމުން ނެވެ. ޓިކްޓޮކް ފަދަ ޗައިނާގެ ކުންފުނިތަކުން އެކަން ކުރަނީ ގާނޫނީ ގޮތުން ލާޒިމް ކުރާތީ އެވެ.

އެމެރިކާގެ އޮފިޝަލުންނަށް ޔަގީންކަން ދިނުމަށް ޓިކްޓޮކްގެ ބައިޓްޑާންސް ކުންފުނިން މަސައްކަތް ކުރި ނަމަވެސް، ޗައިނާގެ ގާނޫނުތަކުން ”ގައުމީ ސަލާމަތުގެ“ ބޭނުމުގައި ކަމާބެހޭ ފަރާތްތަކަށް ފުޅާދާއިރާއެއްގައި ޑޭޓާ ހޯދުމުގެ ފުރުސަތު ލިބިގެންދެއެވެ. ޗައިނާއަށް ފާޑުކިޔުންތެރިންނާއި ޚިޔާލުތަފާތުވާ މީހުންނަށް މިކަމަކީ ނުރައްކަމުގެ އިންޒާރެކެވެ.

2024 ވަނަ އަހަރުގެ ވޯލްޑް އިންޓަނެޓް ކޮންފަރެންސްގައި ޝީ ޖިންޕިންގް ވަނީ ޗައިނާގެ ”ގްލޯބަލް ކްރޮސް ބޯޑާ ޑޭޓާ ފްލޯ ކޯޕަރޭޝަން އިނިޝިއޭޓިވް“ ޕްރޮމޯޓްކުރައްވާފައެވެ. ޗައިނާގެ މަގުސަދަކީ ގްލޯބަލް ޑޭޓާ ގަވަރނަންސްގެ ލީޑަރެއްގެ ގޮތުގައި ކުރިއަށް ދިއުމަށެވެ.

ނަމަވެސް ޗައިނާއިން ގައުމީ ސަލާމަތަށް ދޭ ބޮޑެތި ބާރުތަކާއި އާންމުންނާއި ކުންފުނިތަކަށް ޑޭޓާގެ ޕްރައިވެސީގެ ޔަގީންކަން ނުލިބުމަކީ މި މަސައްކަތަށް މީހުންގެ ތަރުހީބު ކުޑަވާ ކަމެކެވެ.

އަރަބި އަދި އެފްރިކާގެ ގައުމުތަކުން ޗައިނާގެ މޮޑެލްއަށް ޝައުގުވެރިކަން ފާޅުކުރި ނަމަވެސް ޚިޔާލުތަފާތުވާ މީހުންނަށް އުނދަގޫކުރުމާއި ޑޭޓާގެ ޕްރައިވެސީ ހިމާޔަތް ކުރުން ގެއްލިގެންދާ ގޮތަށް ޗައިނާގެ މޮޑެލް ބޭނުންކުރުމަކީ ކަންބޮޑުވާން ޖެހޭފަދަ ކަމެއް ކަމަށް ޑޭޓާގެ މަސައްކަތުގައި އުޅޭ ފަރާތްތަކުން ދެކެއެވެ.