އިންޑިއާއަކީ ސަރަހައްދީ ތަރައްގީއަށް މުހިންމު ޤައުމެއް ކމަށާއި ސްރީލަންކާއިން އިންޑިއާއާ ގުޅުން ބަދަހި ކުރަން ޖެހޭ ކަމަށް ކުރީގެ ރައީސް ރަނިލް ވިކްރަމަސިންހަ ވިދާޅުވެއެވެ.

ކޮޅުނބުގައި އޮތް ޖަލްސާއެއްގައި ވާހަކަ ދައްކަވަމުން، ރަނިލް ވިކްރަމަސިންހަ ވިދާޅުވީ އިންޑިއާގެ ރަޙުމަތްތެރިކަމަށް، ސްރީލަންކާއިން އިއުތިރާޒް ކުރާނަމަ، ސްރީލަންކާއަށް ތަރައްޤީ ހާސިލުކުރުމަށް ދަތިތަކެއް ދިމާވާނެ ކަމަށެވެ. އަދި އެފަދަ ހާލަތެއްގައި 2050 ވަނަ އަހަރާ ހަމައަށް ސްރީލްނާކާއަކީ ތަރައްގީވެފައިވާ ޤައުމަކަށް ނުވާނެއެވެ. ނަމަވެސް ސްރީލަންކާ އިތުރަށް ފަގީރުވާނެ ކަމަށް ވިދާޅުވިއެވެ.

”އިންޑިއާ އަކީ އަޅުގަނޑުމެންގެ އެންމެ ގާތް އަވަށްޓެރިޔާ. އެއީ އެމެރިކާ، ރަޝިޔާ، ނޫނީ ޗައިނާއެއް ވެސްނޫން. ސްރީލަންކާއިން ކުރަންވީ ކަމަކީ މިގުޅުމުގެ އެންމެ ރަނގަޅު ބޭނުން ހިފުން. ސްރީލަންކާއަށް އެކަން ކުރެވޭނީ އިންޑިއާ ލައިގެން. އިގްތިސާދީ ކާރިސާ ތެރޭގައި ސްރީލަންކާއަށް އޭރު 4.3 ބިލިއަން އެމެރިކާ ޑޮލަރު ނުލިބުނު ނަމަ ސްރީލަންކާގެ ހާލަތު އޮންނާނީ ކިހާ ހިސާބެއްގައި ތޯ؟“ އިޤްތިޞާދީ ކާރިސާގައި ސްރީލަންކާއަށް އިންޑިއާއިން ވެދިން އެހީއާ މެދު ވާހަކަ ދައްކަވަމުން ވިކްރަމަސިންހަ ވިދާޅުވިއެވެ.

ރަނިލް ވިކްރަމަސިންހަ ފާހަގަކުރެއްވި ގޮތުގައި އިންޑިއާގެ އަދާނީ ގްރޫޕުން ސްރީލަންކާގައި ކުރިއަށް ގެންދިޔަ އިންވެސްޓްމަންޓްގެ ސަބަބުން ސްރީލަންކާއަށް އިތުރު ބައެއް އިންވެސްޓްމަންޓްތައް ލިބިގެން ދިޔައެވެ. އަދި އެއްވެސް ފަރާތެއްގެ އިތުބާރު ނެތިފައި އޮތްވައި އަދާނީ އިން އިންވެސްޓްކުރަން ނިންމުމުން އިންވެސްޓަރުންގެ އިތުބާރު އާލާވި ކަމަށް ވިދާޅުވިއެވެ.

ގެނެސްދިނެވެ. ”އިންޑިއާ އަކީ އަޅުގަނޑުމެންގެ ރަހުމަތްތެރިއެއް. ކޮންމެ ކަމެއްގައި ވެސް އެހީތެރިވާން ތައްޔާރަށް އެބަތިބި ބަޔެއް. އެހެންވީމަ އަޅުގަނޑުމެންގެ ހަމައެކަނި ހައްލަކީ މި އެހީތެރިކަމާއި ގުޅުގައި ބަދަހިކަން މަތީގައި ތިބުން. މިއީ ސްރީލަންކާއަށް ތަރައްގީއަށް އޮތް ހަމައެކަނި މަގަކީ، އިންވެސްޓްމަންޓަށް އިސްކަންދީގެން. އިންޑިއާއާ އަދާވާތްތެރިވާނަމަ ދުވަހަކުވެސް ތަރައްގީ ހާސިލެއް ނުކުރެވޭނެ،“ އޭނާ އިންޒާރު ދެއްވި އެވެ. ކުރީގެ ރައީސް ވިދާޅުވީ ކޮންމެ ސަރުކާރެއް ވެރިކަމުގައި އޮތަސް ކުރިއަށް ދިއުމަށް ބޭނުން ކުރަން ޖެހޭ މަގަކީ މިއީ އެވެ.