ޚަބަރު
ޖިންސުއްލަތީފުންގެ ޒާތީކަންކަމުގެ ތެރެއަށް ދައުލަތުން ވަދެގެންނުވާނެ: ނަޝީދު
މުސްލިމް އަންހެނުންގެ ޒީނަތްތެރިކަމާއި ނަޒާހަތްތެރިކަން ހިފެހެއްޓުމުގެ ނަމުގައި އެމީހުގެ ޒާތީކަމްކަމުގެ ތެރެއަށް ދައުލަތުން ވަންނަން ނުޖެހޭނޭ ކަމަށް ރާއްޖޭގެ ކުރީގެ ރައީސުލްޖުމްހޫރިއްޔާ މުހައްމަދު ނަޝީދު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ސިވިލްސާވިސް މުވައްޒަފުންގެ ހެދުން އެޅުމުގެ ގަވާއިދަށް ގެނެސްފައިވާ އިސްލާހުތަކާ ބެހޭ ގޮތުން ބައެއް މީހުން ހިތްހަމަނުޖެހިގެން ފާޑުކިޔަމުންދާ ދަނޑިވަޅެއްގައި އެކްސްގައި ކުރެއްވި ޕޯސްޓެއްގައެވެ.
"މުސްލިމް ޖިންސުއްލަތީފުންގެ ޒީނަތްތެރިކަމާއި ނަޒާހަތްތެރިކަން ހިފެހެއްޓުމުގެ ނަމުގައި އެބައިމީހުންގެ އެންމެ ޒާތީކަންކަމުގެ ތެރެއަށް ދައުލަތުން ވަދެ ގޮތް ކިޔާކަށް ނުޖެހޭ،" އެމަނިކުފާނު ވިދާޅުވެފައިވެއެވެ.
އެމްޑީޕީގެ އަންހެނުންގެ ރޫހުން ނެރެފައިވާ ބަޔާނެއްގައި ވަނީ މި ގަވާއިދަށް ފާޑުކިޔައިފައެވެ. ރާއްޖޭގެ ކުރީގެ ފޮރިން މިނިސްޓަރ ދުންނާ މައުމޫން ވެސް ވަނީ ކަމަށް ފާޑުވިދާޅުވެފައެވެ.
