ޚަބަރު
"ހޭވައްލާ ތައްޔާރު" ބޮޑު ޖަލްސާ މިރޭ
އެމްޑީޕީން ބާއްވާ "ހޭވައްލާ ތައްޔާރު" ބޮޑު ޖަލްސާ މިރޭ ހުޅުމާލޭގައި އޮންނާނެއެވެ. މިޖަލްސާގައި ރައީސް އިބްރާހިމް މުހައްމަދު ސާލިހާއި އެމްޑީޕީގެ ލީޑަރޝިޕްގެ ބޭފުޅުން ބައިވެރި ވަޑައިގަންނަވާނޭ ކަމަށް އެޕާޓީން ވަނީ ބުނެފައެވެ. މިއީ މިމަހު 4 ވަނަދުވަހު ބާއްވާ ލޯކަލްކައުންސިލް އިންތިޚާބުތަކާއި ޑަބްލިޔުޑީސީގެ އިންތިޚާގެ ކުރިން ބާއްވާ ބޮޑި ޖަލްސާއެކެވެ.
ޖަލްސާ އޮންނާނީ ހުޅުމާލެ ފޭސް އެކެއްގެ ރުއްގަނޑު ދޭއްގައެވެ. ޖަލްސާ ފެށުމަށް ހަމަޖެހިފައިވަނީ ރޭގަނޑު 8:30 ގައެވެ.
މިޖަލްސާއަށް "ހުރިހާ ބޭފުޅުންވެސް ވަޑައިގެންނެވުމަށް ދަޢުވަތު އަރުވަން،" އެމްޑީޕީން ބުނެފައިވެއެވެ.
