ރައީސްގެ ދެކަނބަލުން މާދަމާ ޢުމްރާއަށް ވަޑައިގަންނަވަނީ

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒައި އަނބިކަނބަލުން މެޑަމް ސާޖިދާ މުޙައްމަދު މާދާ ސަޢުދީޢަރަބިއްޔާއަށް ފުރައިވަޑައިގަންވާނޭ ކަމަށް ރައީސް އޮފީހުން ވިދާޅުވެއްޖެއެވެ. ރައީސް އޮފީހުން ވިދާޅުވެފައިވަނީ ރައީސްގެ ދެކަނބަލުން އެޕްރީލް ހަވަނަ ދިވަހު ސަޢޫދީއަށް ފުރައިވަޑައިގަންނަވަނީ ޢުމްރާގެ މަތިވެރި އަޅުކަން އަދާކުރެއްވުމަށް ކަމަށެވެ. މި ދަތުރުފުޅުގެ މެހުމާންދާރީއާއި ހުރިހާ ޚަރަދެއް ހަމަޖައްސަވައިދެއްވަނީ ސަޢޫދީޢަރަބިއްޔާގެ ސަރުކާރުން ކަމަށް ވެސް ރައީސް އޮފީހުން ވިދާޅުވެފައިވެއެވެ. ދަތުރުފުޅާ ގުޅޭ މި ހުރިހާ ކަމެއްވަނީ މިދިޔަ ފެބުރުވަރީމަހުގެ ކުރީކޮޅު ހަމަޖައްސަވައިފައި ކަމަށް ވެސް ރައީސް އޮފީހުން ވިދާޅުވެފައިވެއެވެ.