ފުލުހުންދަނީ ޚިޔާލުފާޅު ކުރުމުގެ މިނިވަންކަމަށް ހުރަސްއަޅަމުން: ފައްޔާޒު

އަދަދު ނޫހުގެ އޮފީހަށް ވަދެ ފުލުހުން މިހާރުއެދަނީ ފާޅުގައި ބިރު ދައްކަމުން ކަމަށް އެމްޑީޕީގެ ކުރީގެ ޗެއަރޕާސަން ފައްޔާޒު އިސްމާޢީލް ވިދާޅުވެއްޖެއެވެ. އެކްސްގައި ކުރައްވާފައިވާ ޕޯސްޓެއްގައި ފުލުހުންގެ މި އަމަލު އޭނާ ސިފަކުރައްވާފައިވަނީ ބިރު ދެއްކުމާއި ސިޔާސީ ފިތުނަ އުފެއްދުން ކަމަށެވެ. އަދި ރައީސް ޑރ. މުޙައްމަދު މުޢިއްޒުގެ މަގުބޫލުކަން ދަށްވަމުންދާ ވަރަކަށް މާޔޫސްކަން ދަނީ އިތުރުވަމުން ކަމަށާއި އެހެންވެ ފުލުހުން  ބޭނުން ކޮށްގެން ރައީސް މުއިއްޒު ގެންދަވަނީ ޚިޔާލުފާޅު ކުރުމުގެ މިނިވަންކަމަށް ހުރަސް އަޅުއްވަމުން ކަމަށް ވެސް ވިދާޅުވެފައިވެއެވެ. ފުލުހުންގެ މި އަމަލަކީ މިނިވަން ނޫސްވެރިކަމަށްދޭ ހަމަލާއެއް ކަމަށާއި އެކަން ވަގުތުން ހުއްޓާލުމަށް ގޮވާލައްވާ ކަމަށް އޭނާ ވަނީ ވިދާޅުވެފައެވެ.