އަމިއްލަ ނަފްސަށް ބަރޯސާވުމަށާއި ޙަޤީޤީ އުޚުއްވަތްތެރިކަން އިޚްތިޔާރުކުރުމުގެ ވަގުތު އައިސްޖެހިއްޖެކަމަށް ވިދާޅުވެ އީރާނުގެ ޚާރިޖީވަޒީރު އައްބާސް އަރަގްޗީ އަވަށްޓެރި ގައުމުތަކަށް ދެއްވާފައިވާ މެސެޖު ތަކުރާރު ކުރައްވައިފިއެވެ.
އެކްސް (ކުރީގެ ޓްވިޓާ) ގައި ކުރެއްވި ޕޯސްޓެއްގައި އަރާގްޗީ ވިދާޅުވެފައިވަނީ، ދުނިޔޭގެ އެންމެ ވަރުގަދަ އަސްކަރިއްޔާއާ ކުރިމަތިލުމުގައި އީރާނުގެ އަސްކަރިއްޔާއިންވަނީ އެގައުމުން ވެފައިވާ ތައްޔާރީތަކާއި ގާބިލުކަމާއި، އަދި ބާރު ސާބިތުކޮށްދީފައި ކަމަށެވެ.
މުސްލިމުން އެކުގައި ސާބިތުވެ ތިބޭނަމަ، ދުޝްމަނުންގެ ކިބައިން ކުރިމަތިކުރުވާ ކޮންމެ ގޮންޖެހުމަކާވެސް ސީދާ ކުރިމަތިލެވިދާނޭ ކަމަށް ވެސް އޭނާ ވިދާޅުވެފައިވެއެވެ.
