އެކަންކަމަށް ބަލައިގެން ކޮންގްރެސްގެ ފެންވަރު މިންނުކުރެވޭނޭ ކަމަށް އޭނާ ވިދާޅުވިއެވެ.
"ކޮންގްރެސްގެ ކޮލިޓީ މިން ނުކުރާތި ތަން ހަދާފައި ހުންނަގޮތަކާއި ތަނަށް އަންނަ މީހުންގެ އަދަދުން. އެއަކުން ނުވާނެ މިނާކަށެއް ކޮންގްރެސްގެ ކޮލިޓީއެއް. ކޮންގްރެސްގެ ކޮލިޓީ މިނަންޖެހޭނީ އެތާގައިކުރާ މަސައްކަތުން. އެތާގައިކުރާ ބަހުސަކުން، އެތާކުރާ މަޝްވަރާއަކުން، އެތަނުން ފާސްކުރާ ކަންކަމުގެ މައްޗަށް. ސިޔާސީ ހަރަކާތެއްގެ ކޮލިޓީއަކީ ހަރުދަނާ ނިންމުންތަކެއް އައިމާކިޔާ އެއްޗެއް،" ޝިފާޒު ވިދާޅުވިއެވެ.
ޝިފާޒު ވިދާޅުވީ ކޮންގްރެސް އަށް އަންނަ މީހުންގެ ގަމީހާއި ޓައީއާއި ބުރުގާފަދަ އެއްޗެހީގައި ޕާޓީގެ ލޯގޯ ޖެހިދާނޭ ކަމަށެވެ. ދެކޮޅު ޓިކެޓު ދީގެން މާލެ ގެނެސް އޭސީ ކޮޓަރިތަކުގައިން ނިންދެވިދާނޭ ކަމަށާއި އެއާއެކު ކެއުމަކަށް ބިރިޔާނީ ވެސް ދެވިދާނޭ ކަމަށް ވިދާޅުވިއެވެ. އެހެންނަމަ ވެސް އެމްޑީޕީގެ މެންބަރުން މިކަންކަން ކުރަނީ އަމިއްލަ ޝައުގާއި ފޯރީގައި ކަމަށްވާތީ އެ ހުރިހާކަމެއް ކުރަނީ މެންބަރުން ކަމަށް ވިދާޅުވިއެވެ.
"އަޅުގަނޑުމެންނަށް ވެސް އެދުވަހު އެންމެންލާނޭ ގަމީހުގައި ލޯގޯ ޖަހައިގެން ގެނެސްދެވިދާނެ، ބުރުގާވެސް، ޓައީ ވެސް، ބޫޓު ވެސް ބެލްޓުވެސް އަދި ދެކޮޅު ޓިކެޓު ދީފައި އޭސީ ކޮޓަރީގައި ވެސް ނިންދެވިދާނެ. ބިރިޔާނީ ވެސް ކާންދެވިދާނެ. އެކަމަކު އެމްޑީޕީގެ މެންބަރުން މިކަން މިކުރަނީ އަމިއްލަ ޝައުގުވެރި ކަމާއެކު ކުރާހިތުން. އެހެންވީމާ މިކަން މިކުރެވެނީ. ގޮނޑިޖަހަނީ ފައީސާ ދީގެންނޫން. ދޮންވެލި އަޅަނީ ފައިސާ ދީގެންނޫން،" އޭނާ ވިދާޅުވިއެވެ.
