"ޚިޔާލު ތަފާތުވުންތަކަށް ޖާގަދީގެން ޚިޔާލު ތަފާތުވުންތަކުގެ ތެރެއިން ޚިޔާލު އެއްގޮތްވޭތޯ މަސައްކަތްކޮށްފައި އެއްގޮތްވާކަންކަން އެއްގޮތްކޮށްފައި އެއްގޮތް ނުވާކަންކަން ވޯޓުން ނިންމައިގެން ގިނަ މީހުންނަށް ފެންނަ ގޮތަކަށް ކަންކަން ނިންމަމުންދާނީ. މިއީ ޑިމޮކްރަޓިކް އުސޫލަކީ،" ޝިފާޒު ވިދާޅުވިއެވެ.
މީގެއިތުރުން ވަރަށް މުހިންމު ވާހަކައެއް ވެސް ޝިފާޒު ވިދާޅުވިއެވެ. އޭނާ ވިދާޅުވީ ޤައުމަށްވާނީ އެމްޑީޕީއަށްވާގޮތެއް ކަމަށެވެ. ދައުލަތް ބިނާވެފައިވަނީ އެމްޑީޕީ އުފެދިގެން އައި ދުވަސްވަރު އެޕާޓީ ބައްޓަންކުރި ގޮތަކަށް ކަމަށް ވަރަށްބޮޑަށް ގަބޫލުކުރާ ކަމަށް ވެސް ވިދާޅުވިއެވެ. "ދައުލަތުގެ އެއްބާރު ކަމަށްވާ ރައްޔިތުންގެ މަޖިލީހުގެ އިދާރީދާއިރާތައް ވެސް ބަހާފައިވާ ގޮތަކީ އެމްޑީޕީގެ ގައުމީ މަޖިލިސް ބަހާފައި އޮތްގޮތް. ގައުމީމަޖިލިހަކީ އެތަނުގެ މޮޑެލްކަމަށް އަޅުގަނޑުމެންނަށް ފެނިފައިއޮތީ. ދެންވެސް ދައުލަތަށްވާގޮތެއް ވާނީ އެމްޑީޕީގެ ސްޓްރަކްޗަރއަށް އަންނަ ބަދަލަކުން. އެހެންވީމާ ކޮގްރެސްގައި ވަރަށްބޮޑެތި ބަދަލުތައް އަންނާނެ އެމްޑީޕީ ހިންގުމަށް. އެބަދަލުގެ އަސަރުކުރާނެ ދައުލަތަށް،" އޭނާ ވިދާޅުވިއެވެ.
މިސާލަކަށް "އަޅުގަނޑުމެން ވަރަށްބޮޑަށް އެބަ ވަކާލާތުކުރަން ސިންގަލް ކޮންސިޓިއުޝަން އުވާލަންޖެހޭކަމަށް. ދާއިރާއަކުން އެދާއިރާއެއްގެ ފަސްހާސް ރައްޔިތުންގެ ތެރެއިން ހޮވާ މީހާއެހޮވަނީ. އޭގެ ބަދަލުގައި އެމްޑީޕީގެ ދާއިރާ ރައިސުން ހޮވާނީ އެދާއިރާއަށް ނިސްބަތްވާ އަތޮޅެއްގައިހުރި ހުރިހާ ރަށެއްގެ ވޯޓުން. މިސާލަހަކަށް ހާއަލިފު އަތޮޅު އޮތީ ފަސްދާއިރާ ކަމަށްވާނަމަ ފަސް މީހުންނަކީ ވެސް އަތޮޅުގެ ހުރިހާ ރަށަކުން ވޯޓު ހޯދައިގެން އަންނަ މީހުންނަށް ވާންޖެހޭ،" އޭނާ ވިދާޅުވިއެވެ. އެ ފަސްދާއިރާގެ ރައީސުންނަށް ހޮވޭނީ އެންމެގިނަ ވޯޓު ހޯދާ ފަސް މީހުން ކަމަށް ވެސް އޭނާ ވިދާޅުވިއެވެ.
މި ބަދަލު އެމްޑީޕީގެ ގައުމީ މަޖިލީހަށް އައިމާ ރައްޔިތުންގެ މަޖިލީހަށް ވެސް އަބަދަލު އަންނާނޭ ކަމަށް ދެކެވަޑައިގަންނަވާ ކަމަށް ޝިފާޒު ވިދާޅުވިއެވެ. ކޮންގްރެސްގައި ޕާޓީގެ އަސާސީ ގަވާއިދަށް ގެންނަ ބަދަލު ތަކުގެ ތެރޭގައި މިފަދަ ބައިވަރު ބަދަލު ހިމެނޭ ކަމަށް ވެސް އޭނާ ވިދާޅުވިއެވެ.
