"ރަށްވެހި ތަރައްގީ" ގެ ނަމުގައި ފެށި މިފޯރަމަކީ ރާއްޖޭގެ ސިޔާސީ ޕާޓީއަކުން ބާއްވާ މިފަދަ ފުރަތަމަ ފޯރަމެވެ.
މި ފޯރަމުގައި ރާއްޖޭގެ އެކި ކައުންސިލްތަކުން ތައްޔާރުކޮށްފައިވާ 40 ޕްރެޒެންޓޭޝަން ހުށަހަޅާނެއެވެ. ކައުންސިލްތަކުން މި ފޯރަމަށް ސަތޭކައެއްހައި މަޝްރޫއު ހުށަހަޅާނެއެވެ. އޭގެ އަގު މިލިއަނުން ގުނާލެވޭ ކަމަށް އެމްޑީޕީން ވަނީ ބުނެފައެވެ.
އެމްޑީޕީގެ ޑެޕިޔުޓީ ޗެއަރޕާސަން މުޙައްމަދު ޝިފާޒު ވިދާޅުވީ މިއީ ކައުންސިލްތަކުގެ ފޯރަމެއް ކަމަށެވެ. މި ފޯރަމުގައި ރަށްރަށުގައިހުރި ވިޔަފާރިގެ ފުރުސަތުތަކާ ބެހޭ ގޮތުން މަޝްވަރާ ކުރުމަށް ވަނީ ހަމަޖެހިފައެވެ. ވިޔަފާރި ފޯރަމް ނިމޭނީ މީރޭގެ ވަގުތެއްގައެވެ.
