މި އިސްލާހުތައް ފާސްކުރުމަށް ކޮންގްރެސްއަށް ހުށަހެޅުއްވީ އެމްޑީޕީގެ ކުރީގެ ޗެއަރޕާސަން ފައްޔާޒު އިސްމާޢީލެވެ. އޭނާ ވަނީ މި ހުށަހެޅުން ފާސްކުރުމަށް ވޯޓު ދެއްވި އެންމެހާ މަންދޫބުންނަށް ވަރަށް ބޮޑަށް ޝުކުރު އަދާކުރައްވައިފައެވެ. އޭނާ ވިދާޅުވީ މިއަދު ނިމިގެން މިދިޔައީ މި މަސައްކަތުގެ ފުރަތަމަ މަރުހަލާ ކަމަށެވެ. "އިރާދުކުރެއްވިއްޔާ އަނެއްކާ ވެސް އެމްޑީޕީން މި ރާއްޖެއަށް ބޮޑު ބަދަލެއް ގެންނާނެ،" އޭނާ ވިދާޅުވެފައިވެއެވެ.
ފައްޔާޒުގެ އިތުރުން އެމްޑީޕީގެ ކުރީގެ ޗެއަރޕާސަން ޙަސަން ލަތީފު ވެސް ވަނީ ބޮޑުބަދަލު ފާސްކުރުމަށް ވޯޓު ދެއްވި ކޮންގްރެސްގެ ހުރިހާ ޑެލިގޭޓުންނަށް ޝުކުރު އަދާ ކުރައްވައިފައެވެ. "ވަރަށް ތަނަވަސް އަޣުލަބިއްޔަތަކުން ތިޔަ ފާސްކޮށްދެއްވީ މި ރާއްޖެ އަނެއްކާވެސް ބަދަލު ކޮށްލާން އޮތް ބިޔަ މަޝްރޫޢުގެ އަސާސީ އޮނިގަނޑު،" އޭނާ ވިދާޅުވެފައިވެއެވެ. ދެންއޮތް މަސައްކަތަކީ އިތުރު ހަލުވިކަމަކާއެކު މި މަސައްކަތް ފުޅާކުރުން ކަމަށް ވެސް ވިދާޅުވިއެވެ.
