މާދަމާ މާލެއިން ކަރަންޓު ކެނޑިދާނެ: ސްޓެލްކޯ

ސްޓެލްކޯގެ ކަރަންޓު ވިއުގަ އަޕްގްރާޑު ކުރުމުގެ މަސައްކަތެއް ކުރުމަށްޓަކައި މާލޭގެ ބައެއް ސަރަހައްދުތަކުން މަދާމާ ކަރަންޓު ކެނޑިދާނޭ ކަމަށް ސްޓެލްކޯއިން ބުނެފިއެވެ. ކަރަންޓު ކެނޑިދާނޭ ކަމަށް މެންދުރު ފަހު ދެއަކުން ހަވީރު ހަތަރަކަށް ކަމަށް ވެސް އެކުންފުނީން ބުނެފައިވެއެވެ. ކަރަންޓު ކެނޑޭނެ ކަމަށް ބެލެވެނީ މޫނިމާ ހިނގުން، ލޮނުޒިޔާރަތް މަގު، ކިނބިގަސް މަގު، ޖަނަވަރީ ހިނގުން، މުތްތޮށި ގޯޅި އަދި ކަލާފާނު ހިނގުން ހިމެނޭ ސަރަޙައްދުން ކަމަށް އެކުންފުނީން ވަނީ ބުނެފައެވެ. "މިކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލެ ސިޓީ، މޫނިމާ ހިނގުން، ލޮނުޒިޔާރަތް މަގު، ކިނބިގަސް މަގު، ޖަނަވަރީ ހިނގުން، މުތްތޮށި ގޯޅި އަދި ކަލާފާނު ހިނގުން ހިމެނޭ ސަރަޙައްދުން މާދަމާ (27 އޮކްޓޫބަރު 2024) މެންދުރުފަހު 14:00 އާއި 16:00 އާ ދެމެދު ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް،" ސްޓެލްކޮއިން އެކްސްގައި ކޮށްފައިވާ ޕޯސްޓެއްގައި ބުނެފައިވެއެވެ. ކަރަންޓު ކެނޑިގެން ދިމާވެދާނެ ދަތިތަކަށް މަޢާފަށް އެދޭ ކަމަށްވެސް ވަނީ ބުނެފައެވެ.