މިއަދު މޫދުން ފެނުނު މީހާއަށް ފަރުވާ ދެމުން ދަނިކޮށް ނިޔާވެއްޖެ

ދަރުމަވަންތަ ހޮސްޕިޓަލުގެ ބޭރުތޮށިގަނޑާ ދިމާ މޫދޫން މިއަދު ނެގި މީހާއަސް އައިޖީއެމްއެޗުގައި ފަރުވާ ދެމުން ދަނިކޮށް ނިޔާވެފައިވާ ކަމަށް ފުލުހުން ވިދާޅުވެއްޖެއެވެ. އެމީހާ ނިޔާވެފައިވަނީ މިއަދު ހަވީރުގެ ވަގިތެއްގައެވެ. މޫދުގައި އަނިޔާވެފައިވަނިކޮށް މިއަދު މޫދުން ނަގާފައިވަނީ އުމުރުން 55 އަހަރުގެ ދިވެހި ފިރިހެނެއް ކަމަށް ފުލުހުން ވިދާޅުވިއެވެ. އަނިޔާވެފައިވަނީ އެމީހާގެ ބޮލަށެވެ. އަނިޔާވެފައިވަނީ އުޅަނދެއްގައި ޖެހިގެން ކަމަށް ފުލުހުން ވަނީ ލަފާކޮށްފައެވެ. މިމައްސަލަ ތަހުގިގު ކުރަމުންދާ ކަމަށް ފުލުހުން ވަނީ ވިދާޅުވެފައެވެ. އެމީހާއާ ބެހޭ އިތުރު ތަފްސީލެއް ފުލުހުން ހާމައެއް ނުކުރެއެވެ.