ހީނާ ވަލީދު އިސްތިއުފާ ދޭންޖެހޭ: ޝިފާޒު

ރައީސް އޮފީހުގެ ތަރުޖަމާނު އަދި އެންސްޕާގެ ސީއީއޯ ހީނާވަލީދު އިސްތިއުފާ ދެއްވަން ޖެހޭކަމަށް ދަ ޑިމޮކްރެޓްސް ގެ ނާއިބު ރައީސް މުހައްމަދު ޝިފާޒު ވިދާޅުވެއްޖެއެވެ. އެކްސްގައި ކުރެއްވި ޕޯސްޓެއްގައި އޭނާ ވިދާޅުވެފައިވަނީ "ތިންބާރު ވަކިވެފައިވާ ދައުލަތް ހިންގުމުގެ ނިޒާމު މުޅިން ނެތިގޮސް، ދައުލަތާއި ސަރުކާރު މިއީ ވައްކަމާއި ފޭރުމުގެ ހާއްޔެއްގެ ގޮތުގައި ސިފަވާން" ފަށައިފައިވާ ކަމަށެވެ. އެހެން ކަމުން އެއީ ސްޕޯކްސް ޕާސަން ހީނާ ވަލީދު އަމިއްލަފުޅަށް ވިސްނަން ވެއްޖެ ކަމެއް ކަމަށް ޝިފާޒު ވިދާޅުވިއެވެ. އެހެން ކަމުން "މިވަގުތު ސަރުކާރާއި ދައުލަތުގެ ހައްގުގައި ކަމަނާ އިސްތިއުފާދެއްވަންޖެހޭ" އޭނާ ވިދާޅުވެފައިވެއެވެ. މިދުވަސްވަރަކީ އެންސްޕާއި އެޗުޑީސީގެ ކޮރަޕްޝަންގެ މައްސަލަތަކެއް ތިލަވެގެން އެކަމުގެ ތަހުގީގު ފަށައިފައިވާ ދުވަސްވަރެކެވެ.