ޚަބަރު
އެސްއެމްގެ އެއްވެސް ޕްލެޓުފޯމެއް ބްލޮކުކުރުމަށް ނިންމާފައިނުވޭ: ހީނާ
ސޯޝަލް މީޑިޔާ (އެސްއެމް) ގެ ބައެއް ޕްލެޓުފޯމުތައް ބްލޮކުކުރުމަށް ސަރުކާރުން ވިސްނަމުންދާކަމަށް ބުނެ ފަތުރަމުންދާ ވާހަކަތައް ސަރުކާރުން ދޮގުކުރައްވައިފިއެވެ.
ތަރުޖަމާނު ހީނާ ވަލީދު ވިދާޅުވީ ސޯޝަލް މީޑިޔާގެ އެއްވެސް ޕްލެޓުފޯމެއް ބްލޮކު ކުރުމަށް ސަރުކާރުން ނިންމާފައި ނުވާކަމަށެވެ. އެފަދަ ފިޔަވަޅެއް އެޅުމަށް ސަރުކާރުން މަޝްވަރާކޮށްފައިވެސް ނުވާ ކަމަށް ވެސް އޭނާ ވިދާޅުވެފައިވެއެވެ.
"ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ވިސްނުންފުޅަކީ ގާނޫނުއަސާސީން ރައްޔިތުންނަށް ލިބިދީފައިވާ އަސާސީ ހައްގުތަކާއި މިނިވަންކަން، ގާނޫނުއަސާސީގެ އިންތަކާއި ހުދޫދުގެ ތެރޭގައި އެންމެ ފުޅާ ދާއިރާއެއްގައި ކުރިއަރުވައި ފޯރުކޮށްދިނުމެވެ." ހީނާ ވިދާޅުވެފައިވެއެވެ.
