ޚަބަރު
ދުންފަތް އޮޕަރޭޝަނުގައި ފޮށިގަނޑުތަކެއް އަތުލައިގެންފި
ހ. ހުޅުގަލީގައި ރޭ ފުލުހުން ހިންގި ދުންފަތް އޮޕަރޭޝަނުގައި 103 ކަރުދާސް ފޮށިގަނޑު އަތުލައިގެންފައިވާ ކަމަށް ފުލުހުން ވިދާޅުވެއްޖެއެވެ.
އޭހެ ތެރޭގައި ދުންފަތްހުރި ފޮށިގަނޑެއްވެސް ހިމެނޭކަމަށް ފުލުހުން ވިދާޅުވިއެވެ. ބާކީ ހުރި 102 ފޮށިގަނޑުގައިހުރީ ކޯއްޗެއް ކަމެއް މިހާތަނަށް ފުލުހުން ހާމަކޮށްފައެއް ނުވެއެވެ. އަދި އެކަމާ ގުޅިގެން މީހަކު ހައްޔަރުކުރި ކަމަށްވެސް ފުލުހުން ވިދާޅެއް ނުވެއެވެ. އަދި އެ އޮފީހަކީ ކާކުގެ ނުވަތަ ކޮން ކުންފުޏެއްގެ ތަނެއް ކަމެއްވެސް ފުލުހުން ވިދާޅެއްނުވެއެވެ.
މި އޮޕަރޭޝަން ފުލުހުން ހިންގާފައިވަނީ ހުޅުގަލީގައި ހިންގާ އަމިއްލަ އޮފީހެއްގައި ސިގިރެޓު އުފައްދާ ކަމަށް ލިބިނު މައުލޫމާތަކާ ގުޅިގެންނެވެ. އެގެ ބަލައި ފާސްކޮށްފައިވަނީ ކޯޓު އަމުރެއްގެ ދަށުންނެވެ.
