ގަދަކަނޑުގައި ފުލުހުން ދެއްކި ހިތްވަރަށް ފަޚުރުވެރިވަން: ވަޒީރު

ސާޅީސް އަށް މީހުން ދަތުރުކުރި ”ހުވަން“ ލޯންޗު އަޑިއަށްދިޔަ ހާދިސާގައި ގަދަ ކަނޑުގެ ބިޔަ ރާޅުތަކުގެ ތެރޭގައި މީހުން ސަލާމަތްކުރުމުގައި ފުލުހުން ދެއްކި ކެރުމާއި ހިތްވަރަށް ފަޚުރުވެރިވާ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެއެވެ. "އަމިއްލަ ފުރާނައަށް ބެލުމެއްނެތި ދިވެހި ފުލުން ދެއްކެވި ހިއްވަރާއި ކެރުމާއި ސާބިތުކަމަކީ ފުލުހުންގެ މުއައްސަސާއަށް ޒިއްމާވާ ވަޒީރުގެ ހައިސިއްޔަތުން އަޅުގަނޑު ފަހުރުވެރިކަމާއިއެކު އެ އޮޕަރޭޝަންގައި ބައިވެރިވި ފުލުހުންނަށް އަދި މުޅި ފުލުހުންގެ މުއައްސަސާއަށް ހިފެހެއްޓުމެއްނެތް ޝުކުރާއި ތަޢުރީފު އަދާކުރާކަމެއް" މިނިސްޓަރ ވިދާޅުވެފައިވެއެވެ. މިނިސްޓަރ ވިދާޅުވެފައިވަނީ "މިއީ ޤައުމީ ހިދުމަތުގައި ނަފްސަށްވުރެ ދިވެހި ޤައުމު އިސްކުރުމުގެ ފުރިހަމަ ނަމޫނާއެއް،" ކަމަށެވެ.