ހިތަދޫ އާރިކިޅި ތެރޭގައި މަރުވެފައި އޮތް މީހަކު ފެނިއްޖެ

އައްޑޫ ސިޓީ ހިތަދޫ އާރިކިޅި ތެރޭގައި މަރުވެފައި އޮތް މީހަކު ފެނިއްޖެއެވެ. ފުލުހުން ބުނީ އާރިކިޅި ތެރޭގައި ޚަބަރު ހުސްވެފައިވާ މީހަކު އޮތްކަމުގެ މައުލޫމާތު ލިބުނީ މިއަދު ހެނދުނު 9:33 އެހައިކަންހާއިރު ކަމަށެވެ. އެމައުލޫމާތު ލިބުމާއެކު އެމީހާ ގޮވައިގެން އައްޑޫ އިކުއެޓޯރިއަލް ހޮސްޕިޓަލަށް ގެންދިޔަ ކަމަށެވެ. އެތަނަށް ގެންދޔައިރު ވެސް އެމީހާވަނ ނިޔާވެފައި ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުނެފައިވެއެވެ. ފުލުހުން ބުނީ ނިޔާވެފައިވަނީ ބިދޭސީ ފިރިހެނެއް ކަމަށެވެ. މި މައްސަލަ މިހާރު ދަނީ ތަހުގީގު ކުރަމުން ކަމަށް ވެސް ފުލުހުން ވަނީ ބުނެފައެވެ.