ޚަބަރު
އެމްޑީޕީ ޑަބްލިޔުޑީސީ މެންބަރުންގެ ވިންގު އިފްތިތާހު ކޮށްފި
އެމްޑީޕީގެ ޑަބްލިއުޑީސީ މެންބަރުންގެ ވިންގު މިއަދު އިފްތިތާހު ކޮށްފިއެވެ. މިއީ އެ ޕާޓީގެ އިދާރީ ހިންގުމަށް މިހާރު ގެންނަމުންދާ އިސްލާހީ ބަދަލުތަކުގެ ތެރެއިން ކުރި ކަމެކެވެ. މީގެ ސަބަބުން ޑަބްލިއުޑީސީ މެންބަރުންގެ ބައިވެރިވުން ޕާޓީގެ ތެރޭގައި އިތުރުވެގެންދާނެއެވެ.
މިއީ މުޅިން އަލަށް އެޕާޓީން ކުރިކަމެކެވެ. ޕާޓީގެ އިދާރީ ހިނގުމުގެ އޮނިގަނޑަށް މިހާރު ގެންދަނީ ބޮޑެތި ބަދަލުތައް ގެންނަމުންނެވެ. އޭގެ ސަބަބުން ޕާޓީ އިތުރަށް ވަރުގަދަވެގެންދާނޭ ކަމަށް އުންމީދު ކުރާ ކަމަށް އެޕާޓީން ވަނީ ބުނެފައެވެ.
އެމްޑީޕީން ވަނީ މިއަހަރުގެ އޮގަސްޓު 15 ގެ ކުރިން އެޕާޓީގެ އާދަޔާ ޚިލާފު ކޮންގްރެސްއެއް ބާއްވަން ނިންމައިފައެވެ. އެޕާޓީން މިކަން ނިންމީ ރޭ ބޭއްވި ގައުމީ މަޖިލިސްގެ ޖަލްސާގައެވެ.
