އެމްޑީޕީގެ ކުއްލި ހަރަކާތް މިރޭ އަލުން ފަށަނީ

އެމްޑީޕީގެ ކުއްލި ހަރަކާތްތައް މިރޭ ފަށާނޭ ކަމަށް އެޕާޓީން ބުނެފިއެވެ. އަލުން މިފަށަނީ މިދިޔަ ރޯދަމަހުގެ ފަހުދިހައަށް މެދުކަނޑާލުމަށްފަހުގައެވެ. ރޯދަމަހަށް މެދު ކަނޑާލީ ވިދިވިދިގެން ތޭރަ ރޭ މުޒާހަރާ ކުރުމަށްފަހުގައެވެ. އެމްޑީޕީން ބުނެފައިވަނީ ސިޔާސީ ހަރަކާތްތައް މިރޭ އަލުން ފަށަނީ "ފާލުން ނެއްޓިފައިވާ މި ސަރުކާރު ހަމަ މަގަށް އަޅުވަން" ކަމަށެވެ. ހަރަކާތްތައް ފަށާނީ މިރޭ 20:30 ގައި އެމްޑީޕީ ހަރުގެ ކުރިމަތީން ކަމަށް އެޕާޓީން ވަނީ ބުނެފައެވެ.