މަރުވެފައި އޮތް ފިރިހެނަކު ހުޅުމާލޭ ގެސްޓުހައުސްއަކުން ފެނިއްޖެ

މަރުވެފައި އޮތް ފިރިހެނަކު ހުޅުމާލޭ ފޭސްއެކެއްގެ ގެސްޓުހައުސްއަކުން ފެނިއްޖެ ކަމަށް ފުލުހުން ވިދާޅުވެޖެއެވެ. ގެސްޓުހައުސްގެ ކޮޓަރިއެއްގައި މަރުވެފައި އޮއްވައި ފެނިފައިވަނީ ފިރިހެނެއް ކަމަށް ފުލުހުން ވަނީ ވިދާޅުވެފައެވެ. އެމީހާއަކީ ބިދޭސީއެއް ކަަމަށް ފުލުހުން ވަނީ ވިދާޅުވެފައެވެ. މިކަން ފުލުހަށް ރިޕޯޓުކޮށްފައިވަނީ މިއަދު މެންދުރު 12:14 ގައި ކަމަށް ފުލުހުން ވަނީ ވިދާޅުވެފައެވެ. ފުލުހުން މިހާރުދަނީ އެސަރަހައްދުގައި ހަރަކާތްތެރިވަމުންނެވެ. އަދި ބަލަންޖެހޭ ކަންކަން ބަލަމުންދާ ކަމަށް ފުލުހުން ވިދާޅުވެފައިވެއެވެ. މިކަމާބެހޭ އިތުރު މައުލޫމާތު އެނގޭ ވަރަކުން ފޯރުކޮށްދެއްވާނޭ ކަމަށް ފުލުހުން ވަނީ ވިދާޅުވެފައެވެ.